هى كلمة

أنتِ رائعة

كلمة قد تجعل امرأتك العادية تسير كالطاووس بين حشد من النساء الفاتنات .



أنت ‘ غبي ‘
كلمة .. قد تكسر همة طفل نبيه وتقفل أبواب عقله عن الاستيعاب .




أنت ‘ ساذج ‘
كلمة .. قد تحول إنسان طيب القلب إلى إنسان شرس يقسو حتى يغسل كل وسمات الطيبة من شخصه




أنت ‘ ظالم ‘
كلمة .. قد توقد دكتاتور وتثنيه عن ظلمه او قد تجعل دكتاتور أخر يقهقه معتبراً هذه الكلمة مدحاً




أنت ‘ قادر ‘
كلمة قد تحرض معوق على كسر حدود الإعاقة بما يعجز عنه أصحاء البدن .





هي ‘ كلمة ‘ واحدة أو ‘ كلمات ‘
عديدة قد تشكل من أنت …أياً من كان أنت .




وقد تكون طبطبة ودواء وتخلق معجزة شفاء وخاصة أذا كانت من أقرب الناس إليك .
و للكلمة الحلوة قدرة على تكوين الثقة بالنفس بدرجة كبيرة
وبحجم قدرة العطاء والإنتاج والتواجد في رحلة الحياة التي نعيشها من بدايتها إلى نهايتها كلنا خلاصة
كلمة .
وحين نفهم الكلمة سوف نفهم أنفسنا والآخرين .
ونفهم الحياة .
كل هذا وبكلمة واحدة

نعم هذا ما أمرنا الله عزوجل به في القرآن الكريـم
الدعـوة إلـى الكلمـة الطيبـة
قال الله تعالى :- (( وقولوا للناس حسناً )).
وقال سبحانه:-(( وقل لعبادي يقولوا التي هي أحسن ))
وقال سبحانه :-(( إليه يصعد الكلم الطيب والعمل الصالح يرفعه ))
وأيضا كما وصانا به الحبيب المصطفى محمد صلى الله عليه وآله و سلم
(( الكلمة الطيبة صدقة ))
((اتقوا النار ولو بشق تمرة، فإن لم يكن فبكلمة طيبة))


فلماذا لا نجعل الكلمة الطيبة شعار لنا في حياتنا وتكون لناصدقة؟

مشكور يا فاطمه بجد موضوع رائع ومميز
ياريت والله نكون كلامنا طيب
ولو حد عمل حاجه غلط ممكن نفهمه بزؤ ومنجرحش كرامته
تسلم ايدك

يسلموووووو يا بطه موضوع جامد

اكيد طبعا ما في احلى من الكلمه الطيبه هي اساس الحب والود والتفاهم بين الناس ويا ريت الكل يفهم دا
بكلمه وحده حلوه تبني حاجات اتهدمت و تحيي ضمير ميت وتقوي قلب ضعيف
حاجات كتير ممكن نعملها واحنا مش واخدين بالنا هي بس مجرد حروف قليله مش واخده منا حاجه

يسلمووووووووووو

فعلاا يافطمه الكلام الحلو بيرفع المعنويات اوى والكلمه الجرحه بتجرح اوى وممكن تدمر الانسان انا خسرت حبى بسبب كلمه قلتها بس اتفهمت غلط يعنى الانسان بردو بيغلط بس لازم يكون فى تسامح تسلم ايدك موضوع رائع يابطه على راى نوور

شكرا على مروركم هى فعلا كلمة بتهبطنا او ترفعنا لفوق انا مثلا ماعدتش بذاكر كويس زى الاول لان ماحدش عمره شجعنى ولا قالى انى شاطرة او برافو عليكى مع انى طالعه التانيه على المحافظه فى الثانويه ويوم النتيجه ماحدش قالى فى البيت عندى مبروك ويوميها بسبب تافه كانو زعلانين فى البيت واما عرفو النتيجه ماحدش قالى حاجه كانى ما انجزتش شىء وده خلانى احس ان مش لازم اذاكر زى الاول وقلل من عزيمتى

مش عارفه اقولكم ايه انتم اخجلتونى بكلامكم مش عارفه اقول اكتر من بحبكم كلكم يا اجمل اخوات
انشاء الله نفضل دايما مع بعض علطول نشجع بعض ونواسى بعض ونساعد بعض وفى النهايه الحمد لله وكل اللى احنا فيه فى المنتدى وكل اللى بضعه فى المنتدى بفضل الله وحده

انا بقا مش عارف الرد غير بكلمه رائع جدا بجد والهى من اجمل الموضوع تسلم ايدك يا بطه

تسلم على مرورك ياسمسم نورت المنتدى ونرت الموضع ربنا يخليك

مشكوووووووووووور