القوانين العامه لعلبة الدردشه

تذكير بمساهمة فاتح الموضوع :

السلام عليكم
هذي القصة أعجبتني وحبت تقرونة معاي

على قولت الشاعر :

ياحظي المنسدح وشفيك مشقيني ... قم يمال الوجع قم غير احوالي..

اعرفكم بأكبر العايله ..

امي حفضها الله ورعاها ..
&الجازي (37) مطلقه من خمس سنوات
بسبت ان ابوي يبي ولد وامي كل ذريتها بنات<<< تخلف

المهم

&هند اختي الكبيره عمرها )20(
عزباء اللي عنده رجال يفكنا منها تدرس في كليه اساسيه تخصص
رياض اطفال..
&نوره الثانيه ) 18( هم عزباء
تدرس سكرتاريه
اعقل وحده في البيت<<< معصي

&البندري )14( خويت دربي
في كل شي خبال مغامرات .. إلخ

&هيونه (هيا) )8(

قعدت البيت يعني اخر العنقود سكر معقود
.........................
بعد ما عرفت عن عايلتي المصونه التي تسكن في شقه في بيت خوالي
سكناها عقب ما ابوي طلق امي
وتركنا لا يسأل عنا ولا شي
الله يسامحه

المهم بعرفكم بخوالي ..؟.؟.

وليد: انزين شرايك نتعشى بمطعم
انا: لا شبعانه
وليد: وانا جوعان
انا: توك ماكل
وليد: كيفي
انا: بعدين تطلع لك كرشه
وليد: احسن يقلون اللي له كرشه باين عليه الخير
انا: اجل بناديك من اللحين ابو كريشه
وليد: هههههههههههههههههههههه عيب عيب عروس استحي اللي مثلك ماتكلم الا بعد شهر
انا: وطاح وجهي: وسكت
وليد: ههههههههههه ياحليك خاس وجهك كركركركك
انا: واطقه بيده : وجع
وليد: ويطالع ايده : قدها قدها
انا: قدها وقدودها
وليد: لا خلاص طنيت
انا : ههههههههههههههههههههههههههههههههههه
وليد: هاه وصلنا البيت يالله انزلني
انا: بتروح مكان
وليد: لا بس بجيب عشاء واجي
انا: انزين ليش ماتطلب من المطعم وهم يجيبون
وليد: لان مطعمي اللي ابيه ما يوصل
انا: كيفك لا تأخر البيت مافيه احد
وليد: حاظر عمتي

وراح وليد يجيب العشاء رحت انا بدلت ملابسي ولبست بجامه حلوه
وسويت شعري ذيل حصان
واتصلت بخواتي في البيت

نوره: الو
انا: الو
نوره: من معاي
انا: احم احم العروس
نوره: وبصوت عالي: شووووووووووووووق يالحماره صوتك تغير
انا: لا تغير ولا قالها الله بس تهيأأت
نوره: شمسويه وشلونك
انا: بخير الحمد لله

نوره: هاك امي تبيك
امي: هلا شواقه شلونكم
انا: لوني افتح منك بشوي
امي: ههههههههه لالحينك خبله اعقلي اعقلي لا ياخذ عليك رجالك
انا: يخسي ياخذ علي والله لقطعه حته حته
امي: هههههههه هااه متى بتجينا انشالله
انا: خخخخخخخ امداكم تشتاقون لي انشالله ابي اجي باجر اسلم عليكم
قبل ما اسافر أي يماا بنسافر لدبي
امي: ماشالله يالله اجل مع السلامه روحي لرجالك
انا: اوكي مامي مع السلامه

سكرت التلفون وقمت اخذ لي جوله بالبيت وادخل من غرفه لي غرفه
لين دخلت غرفة وليد

انا بقلبي: الله والله ذويق ولودي وقمت اتصحف رف الكتب اللي بغرفته
كان في كتاب تحت مخدته اخذت الكتاب وانسدحت على السرير وقمت
اصحف الكتاب بشكل سريع ولا تطيح عيني على صوره

تتوقعون من صورته

صورتي انا وسارا اخته بحفله ابوي الله يرحمه

الله كان شعور جميل جميل بس ماكتمل الشعور

الا وليد داخل علي..؟..

وليد: الحلوه بغرفتي شكلها عجبتك
انا: أي بنام فيها اليوم
وليد : وجه عابس : وانا من ينام معااي
انا: نام بروحك
وليد: لا اخااااف
انا: وارتب على كتفه : سم بسم الله الجنون تخاف منك مو انت تخاف منها

وليد : ويمسكني بيدي : هههههههههههه اوكي العشاا جاهز تحت حطيه بالسفره
انا: انزين انت جبت العشاا كمل جميلك وحطه بالسفره
وليد: ويبقق عيونه : يالله روحي لا اكسر راسك
انا: واسوي نفسي ابكي: انت محد يضحك معااك
وليد: وينفخ صدره ..انا حمش نيهااهااهااي يالله بلا دلع روحي حط العشاا
انا: انزين ياسي سيد
وليد: ههههههههههههههههههههههههه

وعقبها رحت حطيت العشااء وتعشينا ونمنا عشان بكره السفر
--------------------------------------------------------------

الجزء (13)

وليد: مسوي ضجه فوق راسي : يالله قومي قومي بسرعه طارت الطياره
انا: بناام
وليد: نامت عليك طوفه يالله قومي
انا: يؤؤؤؤ خلاص قمت قمت واقوم واروح البس واتكشخ

انا جالسه ارتب جنطتي واغني :
ثكت ثفر فيها مثاوير العمر يالله عسى ألقى حبيبي المنتضر
واطالع وليد واحول عيوني

وليد : يلبس غترته وعقاله وميت ضحك ويغني معاي

انا: والله لو انك معرس واليوم عرسك ماطولت كذا خلص
وليد: شتبين انتي بلبس
انا: بالله اللي يشوفك ماتقول معرس صار لك يومين شنو شتبين قول حياتي حبيبتي
وليد: والله اقول بس مافي فايده انتي ماتقولين
انا: انزين خلاص بقول ..حبيبي وليد ماخلصت
وليد: ألا خلصت قلبي يالله مشينا

ورحنا بيت اهلي ودعتهم ورحنا المطار
خلصنا شغلنا وقعدنا بقاعده الانتظار ومعانا عصاير

انا: وليد وليد
وليد: امري
انا: بنروح دبي بس
وليد: ألتفت علي تبين دوله ثانيه بعد
انا: أي نفسي بعمره
وليد: من عيوني كم شواقه عندي
انا: وحده
وليد: خلاص اللي تبينه لك شهر كامل قولي المكان اللي تبينه وبنروح
انا: والله
وليد: انتي جربي وشوفي .
انا: اممممممممممممممم لاخلاص بس ابي عمره ودبي
وليد: ولا يهمك
انا: انزين سولف ماحب اسكت
وليد: احد قالك قبلي انك مزعجه
انا: ايه واجد
وليد: انزين ممكن تسكتين مدة خمس دقايق
انا: تراك خثيث من قعدنا وانت مشغل هالاب توب
وليد: قاعد اخلص شغلي
انا: وانشالله بدبي تقعد على هالنت
وليد: يعني ساعات
انا: لا لا لا لاتقول
وليد: بسم الله خرعتيني انزين هااه خلصت ولاني مشغله يالله سولفي
انا: سولف انت
وليد: امممم ماعندي سوالف سولفي انتي مبدأي وتطلع معاي السالفه

المهم وقمنا نسولف ونضحك لين ركبنا الطياره وصلنا لدبي

مطار دبي ..؟..

انا وامشي وتعبت : وليد خلاص تعبت
وليد: حياتي مابقى شي عشان نخلص
انا: ايي رجولي
وليد: ويبتسم عطيني شنطتك

انا: لا معاك غراض انت
وليد: وياخذ شنطتي مني ومسكني بيدي وقام يمشي وانا معااه

لين وصلنا وسوينا جوازاتنا واول ما طلعنا من منطقه القادمون كانت في وحده فلبينيه
معاها لوحه مكتوب عليها .. مستر وليد عبدالله

وليد: لما شافها وقف وقام يرطن معاها بالعنقريزي وانا مت قهر وبعدها مشينا ورها

كانت بنتظارنا لومزين ركبناها ورحنا لفندقنا
كانت الساعه حوالي 5 العصر

وليد: هاه قلبي تبين ننام وبليل نروح مطعم ولا نتمشى
انا: لا ننام لاني تعبانه
وليد: اوكي نامي انا عندي شغل اخلصه ونطلع شوي
انا: اوكي

نمت وعلى حدود الساعه 7 المغرب قمت الا وليد نام على الغنفه ونومته غلط
<<<< بالهلحظه جتني البكيه كسر خاطري ماتلاحظون اني من تزوجت وكل شي يكسر خاطري..؟..

انا: وخطرت لي فكره شيطانيه : نيهااهااهااهااي
قلت : والله لزعجه مثل ما زعجني اليوم الصبح

انا: وليد وليد وليد وليد وليد وليد << بصوت مزعج
وليد. بعصبيه : هاااااااااااااااااااااااه
انا: وليد وليد وليد وليد
وليد: يابقره خيييييييييير
انا: وليد وليد وليد
وليد: ويمسك المخده اللي نايم عليها ويرميها فيني

طحت انا من على الكرسي وسويت نفسي ابكي . تهي تهي تهي تهي

وليد: قام من نومه متروع : شوقي فيك شي شوق ردي
انا: ههههههههه وضحك عليك عشان اصحيك
وليد: صج غبيه خرعتيني اه اه << يتثاوب .. الساعه كم هلحين

انا: اممممم الساعه 8 إلا ساعه
وليد: ويفكر .. هههههههههههه خبله طلعي ملابسي بتسبح
انا:من عنوني كم ولوده انا عندي
وليد: واحد
انا: خلاص انت تامرني امر <<< واقوم بكل رشاقه اطلع ملابسه
وليد: دخل الحمام يتسبح واسمعه يغني .. ان كان حبي لك
عاد صوته هو نشاز بس يجنن

اول ماطلع وليد راح الغرفه يلبس ملابسه ..

وفاتحه الكبت : شنو تبي تلبس وليد بدله ولا دشداشه
وليد: امممممم بنروح مطعم حنا فا احسن دشداشه
انا: انزين أي وحده السكريه
وليد: اجل عندي دشداشه سكريه
انا: اجل هذي شلونها
وليد: مدري
انا: يمال الخبال تشتري دشداشه ماتعرف لونها
وليد: وانا شعلي من اللون اللي يهمني انها زينه ولونها حلو
انا: انزين حياتي تبي غتره ولا شماغ
وليد: خلاص انا طلع شغلي انتي روحي ألبسي
انا: لابسه خالصه
وليد: يطالعني : شنو لابسه وين عباتك
انا: هذي معلقه\
وليد: وانشالله بتروحين بعباة كتف
انا: ايه ليش شفيها
وليد: لا والله وين عباتك الراس
انا: معفسه وكلها تراب من تحت وماغسلتها
وليد: اهاا عطينيها يغسلونها بنص ساعه الفندق
انا: وليد اريح لي عباة كتف
وليد: انا ما اداني عبات الكتف
انا: خلاص ولا يهمك

اتصل وليد على الرستبشن يغسلون العباة وانا كنت مطنقره

وليد: عقب ماخلص لبس جلس قدام التلفزيون ننطر عباتي
انا: وليد بنروح بتكسي
وليد: لا

انا: اجل بشنو
وليد: ويضحك بنمشي
انا: من صجك لا مابي
وليد: لا لالا مستأجر سياره
انا: اها انزين اتصل عليهم ماصارت
وليد: اوكيك

بعد ربع ساعه وصلت عباتي لبستها وطلعنا من الشقه

ركبنا السياره وانطلقناا ..؟..

انا: والله دبي حلوه
وليد: بس مو احلى منك
انا: استحيت
وليد: ههه ياحليلك تستحين
انا: ليش شايفني فاصخه الحياء
وليد: لا بسم الله المهم أي مطعم ودك نروح تبين فندق ولا مطاعم اكل مضبوط
انا: لالالا ماحب الفنادق احب مطاعم عاديه
وليد: ولا يهمك
انا: كم مره جاي دبي قبل هالمره
وليد: اووووووه وااجد
انا: الله وبكره وين تبين نروح
وليد: تبين مجمعات
انا: لالالالا صرت ماداني السوق لاعت كبدي منها
وليد: اجل بوديك مكان بخليك تهذرين منه
انا: شنو
وليد: مفاجأه
انا: ههههههههههههه

وصلنا المطعم نزلنا اخترنا كبينه وجلسنا فيها

وقمنا نسولف ونضحك ونهرج

عقبها طلب الحساب وطلعنا من المطعم

وقمنا نتمشى على البحر ونسولف

وبعدها رجعنا الفندق
كملنا سهرتنا هناك وبعدها رقدناا

مرت ايام سفرتنا مثل البرق واليوم هو اليوم الاخير
كنا في الامارات مول

انا: ولودتي تكسر بخاطري
وليد: لا بس خلاص ماصارت وانتي كل شي تشترينه
انا: انزين كل هالاشياء شريتها هدايه وماشريت شي لنفسي
وليد: ياربي منك صج تنامين براس الواحد لين يوافق
كم الحساب
انا: ومنتصره : هيه لا عطني اللون الذهبي منها
راعي المحل: بس يا مدام هالون من الساعه خالص بدك لون تاني
انا: واطالع وليد : بس انا ابي ذهبي
وليد: ومنخث مني: يعني الرجال يخلق لك هاللون اخذي الماجود
انا: وتشتري لي بعدين ساعه ثانيه لونها ذهبي
وليد: هههههههههه ما تشبعين ساعات انتي واشتري لك احلى منها بعد
انا: ولا اقولك خلاص مابيها خسرتك اليوم طلعنا من المحل
وليد: ويمسك الكيس اللي معاي : جت على هالساعه بس

وحنا طالعين من المحل ومتوجهين للكفتريا

انا: وانشالله تبيني اشتري لهلي وخواتك هدايه أي كلام
وليد: لا اشتري حلوه بأسعار مناسبه ترى كلها هديه
انا: لا اول مره بحياتي اسافر واشتري هدايا أي شي هذي انتي يا اختي هنوده زوجها ماقصر معاها بالهدايا لما سافروا
وليد: اه منك بس انزين شو بدك
انا: اشوفك قلبت لبناني يا جوزيف
انا: الله يقلعه هاللبناني ساعه عنده بالمحل خربط لغتي
انا: ههههههههههههههههههههههه اطلب لي على ذوقك
وليد: هاه خلصتي من شغلك تراه اخر مجمع ندخله
انا: أي احسن لاعت كبدي انا
وليد: انزين وين تبين نروح اللحين
انا: يقلون في هني صاله ثلج خلنا نروح لها
وليد: السكيتي بس حقت جهال
انا: لا تكفى ودي ندخله
وليد: والله حق جهال لا مانروح من حلات شكلي غتره وهالله هالله ورزه بالاخير

لابس لي جكيت
انا: صج ماتنصح فيها انا اقول اليوم نرتاح عشان من صباح الله خير ورانا سفره بنروح مكه
وليد: وانتي الصاجه
انا: ولوده
وليد: لبيه
انا: شفت هالحرمه اللي ورانا ودي اذبحها
وليد: ويلتفت .. ليش
انا : واطقه على ايده لا تشوف
وليد: الله ياناس من قدي زوجتي تغار علي
انا: ليش اغار عليك بس كذا عشاني معاك احافظ على برستيجي العام
وليد: ياكندوريسزا رايس انت يعني ماتغرين
انا: لا
وليد: اوكي

ومن بعدها جابت لنا القرسونه الاكل وقام وليد يسولف معاها وانا قلبي يغلي من كثر الحره
والغيره والله لو تحطون غوري شاهي يمديه تبخر من قوه الغيظ اللي فيني

انا: ثانكس يو كان قو بليز<<< فقعو مرارتي لزقت بنت الحلال لزقت عنزروت
وليد: ههههههههههههههههههه اشلع ياللغه
انا: لا تكلمني
وليد: وبخبث : ليه
انا: بس كذا
وليد: زعلتي
انا: ليش ازعل بس انت عندك عادي تكلم حرمه وانا بكلم رجال

مادريت ولا وليد تقلب عيونه حمر ويعصب بس مسك روحه :

انا: بسم الله شفيك انقلبت
وليد: قومي مافي قعده هنا
انا: ليش بكمل عصيري
وليد: نزلي العصير لا ادبغك فيه اللحين
انا: وليد شفيك اضحك معاك
وليد: تفهمين ولا لا يالله بسرعه

طبعا من الروعه خليت كل شي ومشيت مع وليد اللي بغى ياكلني ماتوقعت منه انه يعصب
الجزء (14 )

ودخلنا الشقه وليد حده ضايق خلقه مدري من كلمتي مدري من شي صار وانا مدري عنه

انا: وأقف : وليد شفيك
وليد: بصوت عالي : أي كلمة زياده بدبغك بالعقال

واروح انا الغرفه وحدي زعلانه واقفل باب ورى بأقوى ماعندي
واطيح على السرير <<< وكان في خاطري ابكي نفس الروايات بس ماقدرت

وتصدقون رحت تسبحت وعقبها طلعت لوليد بالصاله

كان قدام التلفزيون قاط غتره وعقاله على صوب ومفتح زررات دشداشته

اول : مادخلت الصاله : كان زعلان ومايطالعني

انا: وحده ماعرف ازعل زعلي نفس وجهي

جلست بالغنفه اللي قباله ..

وهو يغير القنوات بتوتر وبسرعه

انا: وليد حط على mbc4 بيجي مسلسل متابعته
وليد: يطالعني بنظرات حاده : ماني حاط
انا: صج نفيسه حط احسن لك
وليد: وبنظرات تحدي: وش بتسوين
انا: مالك شغل
وليد: انزين ليش تكلميني منتي زعلانه
انا: شيزعلني
وليد: اني صحت عليك
انا: الحمد لله والشكر انت صحت على مدري شنو
وتبيني ازعل على ولا شي
وليد: ههههههههههههههههههههههههههههههههههه

انا: أي ياخي روقنا مو زعلان اوله شكلك قرف اعوذ بالله
وليد:ويقوم .. يمسك ايدي ويحبها : انا اسف ان كنت جرحتك بس كلمتك اذبحتني تخيلتك كلمتي رجال قدامي والله بغيت اذبحك
انا: انا ما ازعل من شي اتخيله ان بغيت ازعل بزعل من شي شفته بعيوني ومحد قال لي
وليد: ويحظني : كبيره يا شوقي كبيره

ومرت الرحله بسلام وامان وعقبها رحنا لعمره 3 ايام ومن ثم رجعنا الكويت

انا: داخله على خواتي مفاجأه..

انا: هاااي
الكل: ووووووووواااااااااااااااااااااااااوووووو شوقه وكلن قام يحبني
نوره:يالخايسه شمسويه شلون رحلتك
انا: اسكتو بقولكم اشياء يماا يماا
البندري: وراي تحظني . اشتقت لك يابقره
انا: اشتاقت لك العافيه
وقمت اوزع على كل وحده هديه والكل استانس من الهدايه

وقضيناها سوالف وضحك وخبال ونمت عندهم يومين طلعو من كبدي اذاني وليد اذية العالمين
يبيني ارجع البيت

مر شهر على زواجنا

كنت جالسه في الصاله .. وسارا تدبر بالمطبخ

انا: سارونه شتسوين
سارا: انطري انطري جايه بس خمس دقايق
انا: ترى بدخل المطبخ
سارا: لالالالالالالالالالالالالالالالالالا
انا: هههههههههه خلاص تعالي بسرعه

وبعد ربع ساعه داخله علي سارا وجهاا كله طحين وايدينها عجين ولابسه مريلة طبخ
وماسكه صحن بأيدهاا

انا: الله سارونه طابخه
سارا: انشالله تعجبك

يوم حطت الصحن قدامي ..قعدت ساعه احاول افهم شنو الصنف بس ماقدرت

انا: الله مسويه فطاير
سارا: لا
انا: اجل سنبوسه
سارا : بضيق : هم لا
انا: ماكو غير محشي
سارا: هم لا لا
انا: اجل شنو هذا
سارا: بيتزا
انا: هااااااااااه
سارا: تكفين اكليه
انا: كليت اول لقمه وبغيت اموت ومابغيت اكسر بخاطرها فكملت كل الصحن
سارا: عجبك
انا: اممم لذيذ تصلحين طباخه
سارا: اجل بروح اجيب الباقي
انا: لالالالالا وليد جايب عشى معاه
سارا: لا تقولين
انا: امبلاا
وراحت سارا المطبخ تكمل طبخها انا على طول نحشت لشقتي فوق
ابي اروح للحمام

دخلت الحمام ورجعت كل اللي اكلته
ورحت انسدحت على الكنبه

توه وليد : داخل .. هااه حلوه شعندك قاعده هني
انا: يما وليد حاسه بدوخه وتوني استفرغت اللي اكله
وليد: ويضحك ويمسك ايدي : شوق انتي حااااااااااااااااااامل
انا: شنو حامل انت وجهك لا بس تسممت
وليد: وبضيق الله يقلعك ونستيني

انا: اجل عادي عندك تسممت
وليد: وماله نفس . ليش تسممتي
انا: ماشافت سارا مسويه اكله تلوع الكبد
وليد: ههههههههههه وسارا لالحين تدبر بالمطبخ اللي يشوفها بتخترع الذره
انا: يما تعبانه تصبح على خير
وليد: تبين تروحين الطبيب
انا: لا مابي

وبعدها نمت بس الحمد لله قمت من بعدها وانا نشيطه زي الحصااااااان

بعد شهرين من زواجنا

رحنا بيت شيخه بعله ابي سابقا

وليد: يالله تأخرنا
انا: شفيك ماخلصت
وليد: يؤؤؤؤؤ ماصارت
انا: وليد قاعد توترني اللحين انت اطلع بره لا خلصت شغلي بطلع ماني حاطه رجل على رجل
وليد: انزين اخلصي

ويطلع وليد ينطرني بالصاله

وبعدها خلصت ..
وليد: بجديه : اقري على نفسك اخاف يحسدونك
انا: ليش باسكال انا امش ولي يرحم والديك
وليد: انتي احلى منها
انا: احم احم مشكور
وليد: ياحلوك وانتي مستحيه
انا: ممكن نمشي اللحين حياتي
وليد: ممكنين

وبعدها مشينا رحنا لبيت شيخه ..؟..

وحنا داخلين البيت كنا نمشي بالحديقه ..

ولا نصادف عند الباب .. ريما بنت عم وليد

كان شكلها جناااااااااااااااان لابسه عبايه ضيقه كتف ولفه نص شعرها طالع ونظاره سوده
نص وجهاا تقول ذبانه ..؟..<<< مال تجيب فليت وارشه بوجهاا حدي حاقده عليها

ريما بدلع ورقه : أهلين وليد أهلين شوق
انا: ومن غير نفس أهلين
وليد: هلا اشوفك طالعه
ريما: أي بروح وراي شغل
وليد: اهاا فرصه سعيده اللي شفناك فيها
ريما: وانا بعد اسعد وليد بغيتك بموضوع مهم انزين << وتطالعني يعني اطلعي منها
وليد: ويلتفت علي يطالعني وبعدها كلمها : بخصوص شنو
ريما: بينا اتصال لانه موضوع جدا حسااس يالله مع السلامه انطرني اليوم بتصل عليك
وليد: ويطالعني : انشالله
وراحت تمشي قدامنا بتمايل

انا: كنت اغلي في داخلي هالمره لو تيجبون جدر ذبيحه كان انطبخ من كثر الغيظ

انا: بصوت يسمعه وليد: جعلك ماتكملين خطوتك هذي

مادرينا الا والبنت : خبط الا هي والارض واحد

وليد" قام يضحك بقلبه مو على الطيحه على الدعوه اللي لعبت بالبنت
وانا بعد مت ضحك ..؟..

ريما : أأأأأأأأأأأاي أأأأأأأأأأأأأأي اهي اهي اهي <<<< بدلع ماصخ
وليد: يركض سلامات سلامات ..؟..
ريما: أي احس بموت وليد لحق علي
انا: بقلبي .. مووووت جدي أي والله
وليد: مو صاير الا كل خير
ريما: لا مابي ودنوني المستشفى اللحين اللحين اللحين

طلعوا الحريم على صوت ريما وهي تبكي ..؟..

وبعدها وداها وليد المستشفى عشان يشفون رجلها
طلع فيها كسر جبسو الرجل ورجع وليد هو وريما ومعاهم سارا

ريما .. مشكور وليد ماتقصر
وليد: لا شكر على واجب
ريما: اسفه اني قطعت عليك وناستك مع زوجتك بس انشالله بعوضك
وليد :هههه يصير خير

في بيت شيخه..؟..

شيخه: هااه بشر وليد انشالله بخير
الحمد لله
يالله اوكي
مع السلامه

شيخه: لا ابشركم زينه البنت بس كسر برجلها

انا: بقلبي : حسافه مابتروهاا << وكنت مو على بعضي متوتره
شلون ركبت معاه بالسياره بس اللي ريحني شويه ان سارا معاهم
وسارا تحبني وتدافع عني...؟؟؟...

وبعدها : دخلوا علينا المجلس
وقامو كلهم يتحمدون لها بالسلامه ويقلون عين ماصلت على النبي

كنت طول القعده : ماشوف وليد ولا احط عيني بعينه منبطه كبدي

وماكان بالمجلس غير انا وليد وسارا وشيخه وهاجر والغثيثه ريما
مدري ليش حاشره روحهاا

هاجر: شفيك شوق ساكته اليوم
انا: احس اني مرهقه شوي
وليد: سلامتك يالغاليه ويحط ايده ورى ظهري << وانا مسانسه احر ريمووه
ريما : أأأأأأأأأأأأي<<< من الغيره والله
الكل: شفيك عسى ماشر
ريما: احس بعوار لالحين
انا: وليد ابي اروح البيت تعبانه

وليد: اوكي مشينا
شيخه: ومنو بيودي اللحين ريما بيتها
وليد: السايق وينه
شيخه: انا مقدر اروح معاها ولا هاجر لان زوجها بيمرها اللحين وماقدر اخلي سارا تروح معاها وترجع مع السايق بروحها
وليد: تبيني اوصلك اللحين بيتك ..؟..
ريما: لا خله بعد ساعه<< البقره عشان تركب معاه لحالها
وليد: ويطالعني تنطرين بعد ساعه
انا: وكنت غاليه نار : وليد انا دايخه واحس بينغمى علي مقدر اصبر
وليد: خلاص بوصل شوق وبعد ساعه امرك اوصلك بيتك
ريما: اوكي
طلعت انا قبل وليد وركبت السياره وعقبهاجاء وليد وركب وراي

وليد: حبيبتي شفيك اليوم منتي طبيعيه
انا: مالي خلق اسمع صوتك اكرمني بسكوتك
وليد: افا الحلوه زعلانه
انا: بعصبيه .. ان ماسكت بنزل من السياره واركب تكسي
وليد: خلاص خلاص يبا سكتنا بس هدي اعصابك
انا: مهديه اعصابي من قبل ماعرفك
وليد: لا أله الا الله ويطالعني ويضحك وانا بمووت من الحره

وصلنا البيت ..

وليد: تبني انزل معاك
انا: وانزل من السياره .. روح لحبية القلب ريمووه لا تتأخر عليها .. واصفق الباب بأقوى ماعندي

دخلت البيت ورحت لجناحي على طول ..قمت احذف غراضي من القهر بالطوفه ..؟..
ولأول مره بحياتي اعصب مثل كذا
تخيلت وليد تاخذه مني اللي ماتتسماش

وليد : يدخل علي: شوق قولي لي شفيك
انا: شتبي فيني روح لها
وليد: بروح لها ولا يهمك ههههههه
انا: من القهر: أأأأأأأأأأأأأأأأأأأأأأأأأأأأأأأأأأأأأأأأأأأأأأ<< قمت اصرخ بأعلى صوتي كني

مجنونه
وليد: ههههههههههههههههههههههههههههههههه<< بكل برود
انتي اللي دعيتي عليها تستاهلين اللي يجيك
انا: وليد ان رحت لها ماقعد لك بالهبيت ساعه
وليد: الحمد لله والشكر صج جاهل ولا ليش اخذ لي انا بزر دام هذا تفكيرك
انا: برااااااااااااااا اطلع برااا مابي اشوفك
وليد: لا ترفعين صوتك علي لا اقوم اقصه لك
انا: لو انك رجال تعال قصه
وليد: ويرفع ايده ويعطيني سصاااااار بكل قوته لصقني بالطوفه : رجال غصبن عليك
ويطلع من الغرفه معصب وراح لبيت شيخه اخته ..

انا:كان ودي ابكي بس ماقدرت ابي لو دمعه تنزل بس مانزلت
من القهر قمت اكسر أي شي قدامي وبعدها انغمى علي من الحره

بهلحظه دخلت علي الخدامه وعلى طول اتصلت بسارا اللي هي بدورها اتصلت بوليد بس ماكان يرد
فا اتصلت بأهلي جت امي وخواتي ودوني للمستشفى ..؟..

كنت بغرفه الملاحظه وامي وخواتي بالاستراحه ينطرون الدكتور يطلع لهم ..؟..

وليد : وجاي متخرع : عمه شوق فيها شي سوت بنفسها شي
امي: والله شقول لك جينا البيت الا طايحه على الارض وايدها تنزف دم اظاهر جرحت ايدها
لان كان في قزاز بالغرفه
وليد: ويقعد متضايق .. لا حول ولا قوه الا بالله

بعد نص ساعه طلع الدكتور ..
وليد: بشر يادكتور ::

الدكتور: مبروك المدام حاامل واظاهر اجهدت نفسها فأثر ذالك على ظغطها مما ادى الى اغماء
وليد: بس اغماء متأكد
الدكتور: أي اغماء ولفينا ايدها من الجراح وتأدرو تشوفوها ان كنتو عاوزين

امي وخواتي دخلوا يتطمنون علي وبعد نص ساعه امي اخذتهم يطلعون عشان وليد يدخل علي

انا: كنت لافه وجهي مابي اشوفه
وليد: قعد بالكرسي اللي جنبي : مبرووووك شوق الحمل
انا: ........
وليد:..........
انا: الله يبارك فيك
وليد: ...........
انا:.......
وليد: انا اسف شوق بس انتيـ؟
انا: وارفع ايدي مابي اسمع هالسالفه مره ثانيه تنفتح قفل على الموضوع
وليد: انشالله بس انشالله اللحين طيبه
انا: طيبه
وليد: يالله تطلعين الللحين
انا: وألف راسي اطلعه : بروح بيت اهلي
وليد: بدهشه .. ليش
انا: برتاح
وليد: ترى السالفه ماتحتاج كل هالزعل
انا: قلت لك بروح بيت اهلي اليوم ماني راجعه البيت
وليد: بس يوم واحد
انا: لا بقعد لين اشبع
وليد: ويهون عليك تخليني لحالي ..
انا: وفيني الغصه : عندك اللي يونسك اللي بيعوضك
وليد: من تقصدين مافي احد يغنيني عنك << ويقوم يقعد على السرير ويمسك ايدي
انا: من غير ماقول
وليد: قصدك ريما سبق وقلت لك اني ما بيني وبينها شي وان كانت تحذف روحها علي فهذا خبال منها ولا كنت اقدر اتزوجها بس انا فضلتك عليها لانك تسوينها وتسوين اهلها كلهم
انا: قلت لك خلاص مابي سيرتها تنفتح قدامي ومابيك تكلمها وان اتصلت فيك اسفهها مابيها في حياتنا اضن عندها عيال عم غيرك خل تشوف طريقها مع احد غيرك
وليد: موافق بس على شرط تجين معاي البيت اليوم
انا: قلت لك برتاح

وليد: اووووووووووووف والله لوعه مولايق عليك الحزن يابنت فرفشي انزين تذكرين شلون طاحت

انا: ايه ههههههههههههههههههههههههه
وليد: ههههههههههههههههههههههههههههه ان كيدهن عظيم
انا: متى بطلع
وليد: أللحين البسي عباتك ومشينا
انا: يالله

رحت لأهلي وجلست اسبوع وبعد هالمشكله تقربنا انا وليد اكثر
وصرنا خبال اكثر وارقل وصار هو يا ادهينه لا تنكتين
لي مايرد لي طلب بس يبي رضاتي عشاان البيبي ..؟..

انا: وليد لو جاء ولد شنو بتسميه ..
وليد: بتفكير: امم عاجبني اسم راكان
انا: وان جت بنت
وليد: سميها انتي
انا: شرايك بأسم اصايل
وليد: ليش هي خيل لا غيره
انا: اجل غزلان حيل عاجبني
وليد: غزلان غزلان
انا: وليدوه متى بتسافر استراليا
وليد: عقب شهرين
انا: وكم بتقعد هناك
وليد: 3 شهور دوره
انا: اووف و3 شهور ماشوفك فيها
وليد: احسن افتكي مني
انا: أي والله باخذ فترة راحه ونقاهه كابس على نفسي
وليد: اجل باخذك معاي
انا: موزين علي السفر
وليد: ابرك بفتك انا بعد بشوف الشقر على كيفي وبألعب على كيفي وارجع امجاد وليد اللي اندثرت عقب ماتزوجت
انا: عاد الله والامجاد مشرفه صج ..؟..
وليد: من صجك قبل ابي بنت تمشي ما ينغشى عليها
انا: واحذف عليه المخده اسكت بس
وليد: وانتي وحده منهم
انا: كنت اضحك اضحك
وليد: ويغمز لي : ماهو باين اشقر مزيون هاااه ههههههه

الآن الجـــــــــزء الأخــــــــيـــــــــر

الجزء (15 ) والاخير

انا: يمااا يماا لحقي علي
امي: خير انشالله شفيك
انا: احس بألام في بطني شكلي بولد يمااا
هند: ياويلك ويلاه الله يعينك راح تشوفين الويل على مايطلع هالبزر انا بغيت اموت
يوم جبت بنتي رهف ..

انا: وخايفه: حسبي عليك ياهند يابنت ام هند 7 تحاسيب هذا وقته تقولين لي
الله ياخذك
البندري: ههههههههههههههههههههههه وناسه والله وبصير خاله
هند: الحمد لله وبنتي رهف ماخلتك تصير خاله من شهر ونص
البندري: لا بنتك ماتحسينها شي عكس بيبي شوق
شوق: ياويل حالي منكم اقول لكم بولد وانتو تتهاوشون
امي: يالله بسرعه انا بالسياره تحت انطركم
نوره: تبين نتصل على وليد بأستراليا نعلمه انك بتولدين
انا: لالالا حرام راح تخلونه يحاتي خليه لما اولد وانتطمن نتصل عليه
هند: وين شنطت شوق حقت المستشفى ماجهزتيها
البندري: امبلا هذيك هي شنطة القش
نوره: ماتقومون تلبسون البنت بتولد
انا: عدو عيني عنده خوات نفسكم ..
الكل: ههههههههههههههههههههههههههههه

وبعدها رحنا المستشفى وجلسنا 6 ساعات على ماطلع البيبي

ابشركم جبت ولد سميته راكان كان الولد يهبل اكيد انا امه
ويقول المثل : القرد بعين امه غزال<<< مافي اجكر من ولدك

بعد ساعتين طلعت من غرفه الولاده ورحت لغرفه خاصه فيني..؟..

امي: مبروك مبروووك
انا: الله يبارك فيك قلتو لوليد
نوره: نتصل فيه مايرد
انا: سارا وينها ماجت
البندري: اتصلت عليها وتقول بتشتري هديه وجايه مع هاجر
انا: أي هذي الناس اللي تقدر مو انتو قاعدين تهاوشون فوق راسي
هند: انا اللحين ماجبت لك هديه وغرفة الاستقبال حقتك كلها انا اللي اثثتها
انا: ماتقصرين
ونوره: وانا اللي ولدتك
الكل: خخخخخخخخخخخخخخخخخخخخخخخخخخ

انا: شفتو الولد
امي: الله يخليه لك يجنن ماشالله
نوره: لا والله يلوع الكبد
البندري: اجل ياحليل بنت هند رهف
هيونه: ووع كل عيالك ووع احلى شي عيالي
الكل: خخخخخخخخخخخخخخخخخخخخخخخخخ

انا: تشوفون باكر ولدي الحريم يخطبونه

جت سارا وهاجر وقعدوا معانا وسوالف وكانو يتطنزون على ولدي طول الوقت
صوروا الولد وارسلو الصوره الى وليد بالاميل ..؟..

بعد يوم كامل من الولاده اتصل وليد .. وهو حده مستانس
وقام يقط خيط وخيط من الفرحه
وبعدها قرر انه يترك الدوره ويجي لكويت

راكان ملئ علينا البيت ويقلون طالع رقله على امه وجيكر على عمته سارا
وخثيث على ابووه

كبر راكان وكل ماله يزيد رقاله وجكرا وفقدت الامل من انه يكبر ويصير يجنن
فا قلت لا صار عمره 5 سنوات بسوي له عمليه تجميل لكي احقق حلمي

وجبت عقبه بزوره غزلان وسارا و اصايل وعمر <<< وفي طريقي لي 15 نفر انشالله وافي بنذري اللي نذرته

.؟.النهـــــــــــــــــــــــــــــــــــــايه . ؟.

.................................................. ..................

احداث بعد 8 سنوات ..؟..

........................................
نوره اختي تزوجت وربي رزقها 2 ولد 1 بنت تزوجت واحد من عيال عمي

البندري: انخطبت اخيرا بعد مضي 24 سنه لم تخطب فيها ولا مره وقررنا انا نتمسك بالرجال
لا يروح عناا وتضل طول عمرها عانس

هيا: كبرت وصارت مره رزينه عمرها اللحين 16 سنه

هند: اكتفت بوجود رهف ورزان في حياتها ومبسوطه مع رجالها حيل

سارا: تزوجت وافتكيت منها ومن طبخاتها كل يوم انا وورعاني في طريقنا الى المستشفى
حتى انهم حفضو وجيهناا... ادعو لزوجها ربي يشفيه من التسمم ..؟..خخخخ

اما: وليد .. حسبي الله عليه تزوج علي لمدة سنتين ولم ارتاح الا وانا طلقتها منه
نيهااهااهااهاااااي وقرر انه مايتزوج علي بعدها احد ويكتفي بي قدره ونصيبه اللي هي انا ..؟.

متعب: لا لحين ماتزوج تعقد من الحريم ولالحين هو بالشقه مع ربعه سعد وعيد يكيدون لبعض المقالب <<< نهايه عزوبي

ريما: انسجنت بسبب قضية شيك بدون رصيد <<< دعوتي عليها جعلها ماتطلع بس حسافه ماقعد اسبوع الا هي طالعه ..؟..

هاجر : احملت عقب 10 سنوات زواج واللحين في انتظار مولودهاا

وفي نهاية القصة اقلكم تعبت كثير
القصة منقولة للامانة

انشاء الله لا تحرموني من الردود ياحلوين

اتمنئ تكون عجبتكم
سلاموز

Hitskin.com

روايـــة حظــي المنســدح ...!..!

القوانين العامه لعلبة الدردشه

قوانين منتدى الحب الحقيقي عالم الاشهار