خليل غزة
...::| عضو محترف |::...
 آڵمُشـَآرڪٍآت : 1793
عدد النقـــاط : 7928
سمعة العضو : 0
تاريخ التسجيل : 12/11/2008
 | | موضوع: ~~{ رواية # فراغ العاطفة # رواية }~~ الجزء الاول الأربعاء نوفمبر 04, 2009 9:39 am | |
| رواّية فراّغ اّلعاّطفة
للكاّتب : جمر
بسم الله الرحمن الرحيم
و الصلاة و السلام على اشرف الانبياء و سيد المرسلين سيدنا محمد صلى الله عليه و على اله الطيبين الطاهرين اجمعين .
ستكون البداية في الكويت عام 1981 م ايام غزو صدام حسين و معاناة الحب في هذه الايام .
البداية :.
-----------------------------------------------------
البرات الاول
بيت ( ام شذى )
الساعة 8:35 الصباح
شذى تصارخ : يماااااااا الغسييييييييييييل
جت ام شذى ( عزا ) مخترعة : زين زين وش فيج هاتي اشوف وين كنتي من هذاك الحين اللي ناديتج فيه ها ؟؟؟
شذى : أقرا كتاب ..
عزا : و وش هالكتاب اللي مندمجة معاه و منشغلة عني ..؟؟...و في تنظيف البيت ..؟؟
شذى توجه نظرات لشيماء و تقول : إذا انا يما منشغلة عنج بكتاب شوفي بنتج المدللة وش منشغلة فيه عنج ...؟؟
طالعت عزا بنتها شيماء بخزا : شيماؤو وش تسوين ...؟؟
نقزت شيماء و مسكت قلبها : يمااا ..!!.. وش فيج تصارخين نقزتيني من مكاني
عزا بعصبية على اهمال شيماء : جاوبيني على سؤالي ...
شيماء باستعباط : اي سؤال ..!!؟؟
عزا معصبة ع الاخر : يا بنت لا تلعبين معاي مع من تثرثرين للحين ..؟؟
شيماء : مع فتون صديقتي ... و الحين بتقعدوا لي نشبة حتى على التلفون انا ما صدقت حطوا لنا واحد و الفضل كله لخالتي مروة الله يديمها لنا ..؟؟
شذى بخزات مالها داعي : و حطوا التلفون عشان تثرثرين فيه التلفون للحاجة بس
شيماء تأشر على شذى و تقول : و انتي وش خصج بيني و بين خالتي يا ثقيلة الطينة ..؟؟
شذى : انا ثقيلة طينة يا الخايسة يا المعفنة .. لا تخليني اقط كل كلام صدام و سباته عليج الحين ..
عزا بقرف : الحين وش جاب سيرت هالكلب لا احد يجيب لي سيرته في هالبيت تفهمون ... و بلا هواش و قوموا ساعدوني في تنظيف البيت عشان خلاص احنا ببنتقل بنروح بيت جدكم يلا قوموا بسرعة ...
و قاموا الثنتين و ساعدوا امهم
( ام شذى ..عزا .. أرملة تتمنى في حياة بناتها من بعد ما انقتل زوج عزا في يد صدام صارت تخاف على بناتها و على اهلها كلهم من هالغزو اللي تتمنى انه ينتهي عزا عمرها 32 سنة تزوجت صغيرة جداً و انجبت شذى و هي عمرها 13 سنة يعني وايد صغيرة و اطباعها رومنسية و عاطفية و حساسة و عندها شعر وايد حلو ..)
----------------------------------------------------
بيت بو فهد
نفس الوقت
أما عند مروة كانت تجهز البيت عشان حضور عزا هنا و كانت جداً مستانسة رح يجتمعوا الاخوة مرة ثانية .. مروة و عزا و فهد .. و كانت تشرف على اقل حاجة بالبيت و رن تلفون البيت و ردت مروة : هلا بيت سعود .....
المتصل : انسة مروة الشغل مرتبك الحين يعني رجاءا ارجعي لحظة عشان راعي مؤسسة النجارة مو راضي يقبل بالسعر اللي عطيناه اياه ....
مروة : طيب طيب انا الحين جاية ... هو الحين بالمكتب ؟؟
السكرتير : ايه نعم و ينتظرج
مروة : اها طيب الحين جاية قول له ينتظر زين يلا في امان الله ..
و سكرت مروة
-----------------------------------------------------
مؤسسة بو فهد للأثاث
نفس الوقت
و توجهت للمؤسسة بعد ما وصت منظفة البيت و كل شي و وصلت المؤسسة و دخلت المكتب اول ما فتحت الباب لقت واحد معطيها ظهره و لف لما سمع الباب انفتح
مروة : صباح الخير
و قام راعي مؤسسة النجارة ( تركي ) و سلم على مروة و جلس و ما شال عينه عن مروة لين ما قالت له مروة : خيررررررر
تركي : هااا لا ولاشي
مروة : ايه استاذ تركي عبد الرحمن موبكذا و لا انا غلطانة ..؟؟
تركي : ايه معاج ولد عبد الرحمن راعي مؤسسة النجارة
رفعت مروة حاجب و نزلت حاجب و قالت : ادري انتي ولد من ... ليش شايفني سطلة اتعامل مع حد ما اعرف رقعتهم من وين .... المهم انا الصراحة سمعت عن ابوك كثير الله يرحمه و عرفت كيف اكثر من مؤسسة يتعاملون معاكم فكبرتوا في عين ابوي الله يرحمه و صار يتعامل معاكم ....
تركي قطعها : بس يا انسة هذا ما يفرض اني اقبل بالسعر اللي قالي عنه سكرتيرك 2500 دينار هذي وش تسوي هااا ..
مروة خلاص عصبت و قالت له بوجهه : احمد ربك ان عطيناك مثل هالسعر في هالوقت في ايام غزو صدام للكويت و تفكر بنعطيك اكثر من هذا السعر تحلم و أصلاً ما بتشوف لك في الديرة مثل السعر اللي عطيناك اياه اللي الناس و الخلق اللي بالكويت متبهدلين تايهين يتمنون من يأمن لهم المكان الدافي و الأمن و انتي جاي لي تطالب في فلوس ما فلوس ....
تركي : انا ما قلت شي يا انسة مروة و لكن احنا متبهدلين حنا المؤسسات بعد في منهم اللي تسكروا من سبب صدام و في منهم اللي تهدمت فوق صاحبينها و انا مابي مؤسستك و لا مؤسستي يصيبها هالشي تفهمين و انا مابي هالسعر ...
مروة ما حبت تظهر وجها العصبي فنزلت راسها و مسكته و قالت بصوت واطي لتركي : لو سمحت احنا ما عندنا ألا هذا السعر تبي غيره في مليون مؤسسة روح فر عليهم كلهم و إذا حصلت احسن من سعرنا تعال و لومني و الحين من غير مطرود إذا فكرت خبرني رقم المؤسسة عند سكرتيرك يلا في امان الله
تركي قام و فتح الباب و طلع بتسكيرت باب جداً قوية و لكن ورا الباب كان هو مستند عليه و يقول في خاطره : يا هي مرة حلوة مررررررررة و عقلها مرة فاهم الدنيا زين مدري وش صار فيي سحبت قلبي هالمرة وش سوت فيي لدرجة اني ما قدرت اجاوبها على تهزيأاتها بس حلووووووووة ما انكر هالشي و فتحت مروة الباب بتروح و لقت تركي قدامها و قالت له : انت ما رحت ؟؟!!
تركي : هااا يلا في امان الله
و راح تركي و مروة ما قدرت تحبس ظحكتها على تركي و على هبالته و لا عاد و هو مفهي مروة جت لها خاطرة تقول فيها :وو الله يخقق هالرجال و حلووووو
و لكن قالت بخاطرة ثانية : لالالا حركات مراهقين لالا وش افكر فيه انا صح خبال يووووه وش فيني
--------------------------------------------------
بيت بو فهد الساعة
الساعة تسعة الصباح
و راحت مروة البيت بسرعة و وصلت ولقت اخوها فهد منسدح على الكنبة منسدح على بطنه توجهت له مروة بعصبية و قالت له : فهيددددد اقعد نايم نامت عليك طوفة قووووووووووم
فهد بزهق : يوووووووه روحي عني لا أصطرك اطير ضروسك تراني حدي تعبان ارحميني
مروة مسكت يده و كفستها : قوم لا اكسر يدك قووووم الحين بتجي اختك قوووووووووم
فهد باستعباط : اي خت ...؟؟!!...عزا ما ماتت..؟؟
مروة معصبة حدها : ماتتتتتتت الله ياخذك تدعي على اختك زوجها اللي مات مو هي يا دلخ ترى إذا ما قمت بخليك بكرا تمسك المؤسسة بروحك... هااا قوم ..
فهد خاف من المؤسسة و قام بسرعة : هااا ... يلا بقوم في ا مان الله
و راح فهد غرفته و غسل وجهه
( مروة ... عمرها 24 سنة رفقة مع بنات ختها كانت متعلقة بأمها و اوبها وايد كانت هي كئيبة وايد لما توفوا و لكن ملكتها الشجاعة و صارت ماسكة مؤسسة ابوها ترجع العمل عليها مثل الاول و لكن حدهامنقهرة من اخوها فهد لا فايدة و لا عايدة منه قاعد بالبيت علة في قلب مروة و مروة بنت حلوة طولها ممتاز و عيون تدمر رجاجيل الكويت و عندها شخصية قوية على الكل ما عندها فيها ...)
و عند فهد بالغرفة كان ينشف شعره و رن التلفون اللي في غرفة فهد و رد فهد : الووووووو
.....: وش فيك يا معود لا تبلعني
فهد * يا ربي هذي وش جابها الحين يا ربي لزقة ما تتقبع * : هلا وش تبين حميدة
حميدة : كيف حالك ...؟؟
فهد معصب : و انتي وش دخلج بحالي خلج في حالج يا اخي و لا تدقي في وقت زي وجهج تفهمين يا سطلة يلا في امان الله ...
و سكر فهد بوجه حميدة
( فهد .... عمره 23 سنة عصبي ما يحب احد يدخل فيه مهمل و كسول واييييييد و شعره لتحت اذنه و خشمه طويل و فمه لا هو صغير و لاكبير حلو و عيونه سود و شعره اسود و طويل و معضل يحافظ على جسمه ... و بنات وايد يقزونه لأنه حلووووو..)
-----------------------------------------------------------
بيت ام شذى
الساعة تسع و نص الصباح
شيماء بزهق : يوووووه يا ربي الله يلعنك من غبار دخل في عيني اعنبوا داره
شذى تظحك : خخخخخخخخ هههههههههه خخخخخخخ تستاهلين ههههههههههه احد قال لج رزي وجهج للصندوق و انخشي ههههههههههه
شيماء و هي تسب و معصبة : يا حمارة القايلة الله ياخذج لا تظحكين
و ظلت شذى تظحك و شيماء زعلت و قالت لأمها : يمااااااا شوفي بنتج الحمارة تتطنز علي
عزا ماسكة الظحكة : انتي يا بنتي الله يهديج ليش تدشين في الصندوق مو قلت لج انا بنظفه هههه
شيماء تفرك عيونها : وش اسوي كسرتي خاطري قلت اساعدج ..؟؟
شذى تتطنز : اجل انتي وش تسوين من الصبح هههههههه
شيماء تفرك عيونها : يماااااااااااااا شوفيها هالجلبة
عزا : خلاص يا بنت و انتي شيماء روحي غسلي وجهج لا تفركي عشان ما يدخل في مخج ههههه
شذى فقعدت من الظحك من تطنز امها
شيماء مادة البوز : يما ااتطنزيننننننننن يا ربي
عزا تظحك على خفيف : لا حبيبتي روحي الله يكمل عليج عقلج روحي غسلي ....
و راحت شيماء و فرت على شذى بشعرها الطويل السايح الاشقر و انغرت شذى بشعر ختها و قالت لأمها : يا ربي ليه ما طلع شعري مثل هالجلبة طويل و سايح يا ربيييييييييي حلال على الجلاب و حرام على المساكين
ظحكت عزا : هههه يا حليلها بنتي طالعة علي انتي طالعة على ابوج الله يرحمه لورات و اشقر ....
شذى تذكرت ابوها : الله يرحمه برحمته يا رب
عزا رافعة يدها : يا رب ........
بعد شوي ظحكت شذى سألتها عزا : شفيج يا الخبلة
شذى بظحك : هههههه الصراحة يما القطة اللي قطيتها من هذاج الحين موتتني من الظحك هههههه
عزا : هههههههه اشتغلي اشتغلي
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$
و مر الوقت و صارت الساعة 12 و نص الظهر
---------------------------------------------------------
بيت بو فهد
الساعة 12 و نص الظهر
كانت تحوس يمين و يسار لفت مخ اخوها على هذي الحواسة
فهد : ته قعدي لا صار مخي يدور معاج قعدي....
مروة : مدري وش فيني اتحرا شوفة اختي عزا ..... ( طق الباب ) .. كاهي جت
راحت مروة تركض و فتحت الباب و شافت ختها و ضمتها : وش فيج يا بنت الناس كسرتي بابنا
عزا : انا كسرت الباب يا الخايسة بطلي عن سوالفج, و دخلت مروة مع ختها بدون ما تسلم على شذى و شيماء صارخت شيماء و شذى : هيه نحن هنا ألس لنا سلام مثل الاخرين
تلفتت مروة و فتحت يدها و توجهت لهم بأكبر بسمة : يا هلالالالالالالالا بالشباب أشوفكم طولتوا
شذى مادة البوز شبرين : جذي ما تسلمي يا خالة جذي ...آه من لقا أحبابه نسا اصحابه ...
شيماء مع ختها : ايه و الله ... أفااا بس افاااا
مروة : تيه تيه و صار عندكم ألسان بعد .... تعالوا تعالوا لي يا الخيس
و راحوا شذى و شيماء و ضموا خالتهم و راحت عزا لاخوها فهد و قالت له : شخبارك اخوي عساك بخير
فهد برفعة خشم : بخيييييير الحمد لله ..اوووف
عزا : وش فيك عسى ما شر ...؟؟؟
فهد عصب : و لا شي و لا شي .... اوووف
قام فهد و راح غرفته و صقع الباب بقوة و قالت عزا بزهق و عصبية : وش فيه هذا ما لقى له غيري يتبرطم في وجها صج عقل مافي .....
مروة : ما عليج منه هو جذي كل يوم على اقل شي يعصب و يقوم ..... يلا ما عليج قومي نتغدا
عزا : و اخوج هذا ...؟؟
مروة : خلا ينطق الحين إذا جاع بيروح الديوانية يتغدا هناك .... يلا امشي و لا تكدري خاطرج
شذى تصارخ على شيماء :ااااااااااااه ااااااااااه يا خبلللللللللللللللة رجلي
شيماء شالت الشنطة : زين زين ما صار شي كلها شنطة يا ربي الدلع الزايد
شذى عصبت : اي دلع يعني إذا صارخت عليج عشان رجلي اكون اتدلع فكي بس فكي
شيماء بصوت واطي : الله ياخذج ان شا الله على ذا دلع.....
شذى لفت و بنص عين : انتي وش تهمسين فيه ..؟؟؟
شيماء مشت و لا عليها بأختها : ان لله
(شذى .. عمرها 21 سنة .. تدرس بالجامعة سنة ثالثة .... حلوة أحلا ما فيها خشمها طويييييييل و ممتاز و شعرها كيرلي و اشقر مثل ابوها و تحب تلبس كلا قصير و تحب اللون الاحمر فيها شوية غرور و تهور و لكن الدلع اكثر و رشيقة و تحب الرجال ذو الخشم الطويل اللي مثلها هههه...)
أما ..
( شيماء ... عمرها 19 سنة تدرس بالجامعة سنة اولى تدرس هندسة معمارية ... فيها شوية حلا و شعرها أشقر و سايح و طويل يوصل لاخر ظهرها عيونها عسلية ما تخلي مكان مطفي ألا و تشعل نوره خفيفة دم فيها شوية أطباع رجولية لكن حنونة و طيبة ...)
----------------------------------------------------------
بيت بو تركي
الساعة اربع و نص العصر
كان منسدح على سريره يفكر يفكر يفكر بالعيون اللي طاح بين اوامرها و طغيانها عيون مروة كان تركي يمين يسار يتسدح على السرير مو قادر يغفو له غفوة من كثر التفكير اخر شي قام جلس ع السرير و قال بنفسه * هذي البنت وش سوت بعقلي شغلته صار ما يفكر ألا فيها لا حووووووووووول ترى جد عورني راسي بس الصراحة عيونها سحر و دمار و شفتها وردييييييية مثل العسل يوووووووووه صرت اهلوس بعد خل عني حركات المراهقين جربت مرة ما بي اجرب مرة ثانية عشان ما اطيح في خدعة من خدع النسوة و خيانتهم لي خلني اقوم اروح لعليوي ....
( تركي ... عمره 26 سنة .. ماسك مؤسسة ابوه بعد وفاته عنده ام مسافرة تتعالج عن مرضها النفسي و عنده اخت اسمها زينب مطلقة و مسافرة مع امها في سفرة العلاج تركي شاب طموح اللي يبيه ياخذه يعني ياخذه و لا مرة قال قرار و ما عملاه يضحي من اجل الحب ما يحب الكذابين شعره حلو في شوي شقرة عيونه عسلية غامقة طوله ممتاز و جسمه فلة و خشمه لا هو كبير و لا طويل مستقيم زين موته الشطة ..احححححححح..)
دق الباب و رد علي : مييييييييين ..؟؟؟
تركي : افتح انا تركي
علي باستخفاف : كلمة السر لو سمحت..
تركي رفس الباب : العن الله ابوك افتح ....
علي باستخفاف زايد : كلمة السر خاطئة الرجاء المحاولة ثانيةً....
تركي عصب ع الاخر : يا ثور ....
انفتح الباب : كلمة سر صحيحة تفضل ....هههه
تركي داخل الغرفة : يا سخفك انت متأثر وايد باللي تروح لهم بالجامعة انت و وجهك
علي : انتي الحين وش تبي قاطع سلسلة افكاري ....؟؟
تركي : امش روح معاي ...
علي : وين ان شا الله ..؟؟...وثانياً الحين مو وقت طلعة توها الناس مصلية العصر ...وين تبي تروح ..؟؟
تركي يحرك كتفه : مدري دبرلي اي مكان اتسلا فيه حدي طفشان ... لو بودي زنطك ...
علي بنص عين : ول ول طيب بطلعك بس وين ..؟؟ وين ..؟؟...ايه ...
تركي : قول و اللي يرحملي والديك
علي بخزة : اول شي الفلوسسسس..؟؟
تركي : اللع يرجك هنا لا تاكل هم عندي ... هااا يلا قول وين ..؟؟
علي :النادي نادي (....)
تركي : طيب و هذا وين رقعة ابوه هالنادي ...
علي : عند بيت بو جسوم ...
تركي : اييييه عرفته لا يكون هذاك النادي اللي شاب طالع و شاب داخل فيه
علي :ايه عليك نور هذا هو .... يلا نمشي
تركي : يلا و نشوف اخرتها وين رح تودينا .... امش امش
وراحوا لما وصلوا عند باب النادي سمعوا انفجار من انفجارات صدام كان الصوت قريب كثير منهم ....
علي : وش ذا ..؟؟
تركي متقزز : هذا الجلب ابن الجلاب صدام اللع يلعنه مو راضي يخلينا بروحنا ....
و جا محمد صدبق تركي جا يركض ...
تركي : وش فيك تركض جذي كأنك ثور ....؟؟؟
محمد من التعب مو قادر : اه .. اه .... ف ..ف ..فيصل ...
تركي : وش فيه فيصل ...؟؟ خرعتني ...!!!
محمد : فيصل قوصوا عساكر صدام ...
و تركي بلا شعوري عصببببببب و قال : هم وينهم الحين ..؟؟
محمد : اه اه ههناك
و راح تركي و وراه محمد و علي بعدين شاف صديقه فيصل منسدح ع الارض الدم يملي مكانه و شاف العساكر واقفين يطالعونه ( كان في 2 عسكر ) و تركي من الغضب و الحسرة على صديقه مسك العسكريين و ضرب روسهم ببعض و ضربهم ضرب و لا عمرهم حصلوا مثله المهم سدح واحد و الثاني يشتغل فيه ضرب و لكن المنسدح ضرب تركي على كتفه ضربه رصاصة بكتفه و محمد ما سكت له و رد له الرصاصة بعشر رصاصات بمخه و الثاني ذبحاه علي و اخذوا تركي و فيصل المستشفى فيصل و بعد كم ساعة جا خبر ان فيصل كا توفى بس جته اعاقة ما يقدر يمشي و تركي بأحسن حال بس يبي له شوية راحة ....
في غرفة تركي
الساعة تسع و نص الليل
كان يحن يحن و الجميع ماسكين اذانهم من حنته ....
محمد : يا رجال ما قلنا شي رح تشوفه بس انت اصبر ...
تركي معصب : قلت لك ابي اروح اشوف صديقي و اطمن عليه ...
علي عصب ع الاخر و ثار : يووه ازعجتنا يا اخي قلنا لك ما نقدر و انت تحن تحن بطل حنة عااااد هوووف ازعجتني انطم عاد .... ايه و الله
و محمد و تركي ظلوا يطالعون بعلي و يسمعون كلامه و بعدين تركي باقرب شي صفع علي به
تركي : و انت وش دخلك يا حنبوصو هااااا... ما بقى ألا البزران يطولون لسنهم علي ...
محمد بتمسخر : مدري عنك .... من ساعة كاملة تحن تبي تروح له الرجال نايم مو فاظي لك ترى يحلم بحبيبته ...ههههه
علي فقع ظحك : من هذي بعد اللي يحلم فيها ....؟؟؟
تركي قطع موضوع الرجال و قال : ابي ماي ... المهم
علي و محمد : الاهم ...
تركي : ابي اطلع ..
علي ضرب على راسه : لاحوووووووووول .... الليلة ما بتعدي على خير اليوم
محمد : انتي وش فيك ما تفهم طلوع من المستشفى مافي ممنوع ...
تركي صفعاه بالمخدة :وشو ممنوع يا زهقت ابي اطلع
محمد : انتي ما صار لك ساعتين من دخلت تبي تطلع .... اقول انجعم
علي بصوت واطي مقرب لتركي : ادري ليه بتطلع ... عشان الحب اللي يستناك ....هههههه
تركي صطر علي : حب امك اللي جابتك زينب ...
علي : الحين وش جاب سيرة امي ... مثل ما هي امي اختك ....و الله
و بعد شوي اندق الباب ........
نهاية البرات الاول
البرات الثانيـــــــ.....
غرفة تركي بالمستشفى
.. بعد ما اندق الباب دخلت مروة : السلام عليكم ..
تركي باستعجاب : و عليكم السلام ...
محمد و علي مو قادرين يردوا السلام من جمال مروة : وع...وع...وع...عليكمم السلام ...
تركي بهمس لمحمد و علي : وش فيكم يا الشواذي ردوا السلام زي الناس ..؟؟
علي قرب لراس تركي و همس : اتراكي منت بهين ياخالي يعني في سالفة بالموضوع ...؟؟؟!!
محمد بهمس : ياهو من السواهي دواهي يا تركي ....افا و ما تقول لنا ....؟؟
تركي عض ضروسه و قال بهمس : انقلعوا ثنينكم برا إذا طلعت البنت دخلوا يلا انقشعوا....
علي بهمس : طييييييييييب انا ارويك
طلعوا محمد و علي : يلا احنا رايحين نسوي اجراءات طلوع تركي في امان الله
تركي و مروة : في امان الله ...
تركي : شفيك قاعدة جلسي ...؟؟!!
جلست مروة بخجل : الحمممد لله على السلامة ....
تركي مبتسم بسمة يخقوا عليها بنات الكويت و منزل راسه : تسلمين...
مروة : خبرني اخوي انك حطيت ضرب في عسكريين..
تركي يظحك : ههههه...ايه بللل ما اسرع ما وصل الخبر ..
مروة : هههه..عسا ما الحين جالس تتعور ..؟؟
تركي*بعد عمري خايفة علي *:هااا..لا..مشكورة
و تركي ما شال عينه من عين مروة *شفيه هذا يناظرني جذي خلني اقوم ارجع البيت حدي استحيت*و قامت مروة : يلا انا استأذن بروح البيت و مرة ثانية الحمد لله على السلامة..
تركي : على وين وين ما قعدتي شي ..!!
مروة بخزة : ليه اقعد ..؟؟
تركي خاف : لا بس عشان نتفق على سعر مناسب ..
مروة جلست تطمنت : ايه طيب انت الحين وش قررت ..؟؟
تركي بكل ثقة : انا موافق على السعر ..
مروة مدت يدها : اجل اتفقنا ..؟؟
تركي : اتفقنا ..
تركي ظل ماسك يد مروة مو راضي يتركها لما قالت له : لو سمحت يدي
تركي هداها : هاااا.ايه ..آسف ...ممكن كلاس ماي..إذا ما عليك امر يعني ..؟؟
مروة حطت له ماي و مدت يدها تبي تعطيه الكاس و لكن لما كان تركي على وشك انه يمسك الكاس طاح على حضن تركي و بلله و مروة اخرعت : يووووووه ...أنا آسفة مررررة ..آسفة يووووه يا فشلتي
تركي : يا فشلتي انا الغبي ما مسكت الكلاس زي الناس ...
و صار تركي ينظف ثيابه و يطالع بمروة بتمعن و يناظر شلون صار وجها احمررررر و صارت مرتبكة و هو بلحظة مسك يدها و اخترعت مروة : عسا ما شر .... في شي اترك يدي ..؟؟!!!
------------------------------------------------------
برا الغرفة كانوا علي و محمد لازقين بالباب يتسمعون الحجي و يظحكون ..
علي بظحك : مسك يدها مسك يدها ....هههههههههه
محمد فقع ظحك : هههههههههههههههههه .... هذا مسوي فيها رومنسي الاخ هههههههههههههه
---------------------------------------------------------
بالغرفة ....
تركي بعد يد مروة : لا تخافين ما صار شي كله كلاس و انكب علي لا تخافين جذي ...و الحين اجلسي ..
و جلست مروة و خجلانة حدها من تركي و بعدين قال تركي : وش فيج جالسة جذي ترى ما صار شي ...
مروة خجلانة و منزلة راسها : لا ابداً ما فيني شي ...
و تركي مسك راس راس مروة بكل حنية و رفعه : طيب ليه منزلة راسك .... غصب عني بغازلك عيونك سلسلة إجرام تملكتني و اسرتني بين القضبان ...
و مروة استحت و قامت طلعت و هي طالعة ما تشوف إلا قدامها محمد ...
مروة : لو سمحت بعد .....
محمد استحى و بعد و صار يناظر بمروة حس بإحساس غرييييب لما شاف مروة و جمالها و ضرباه علي على كتفه : هيهههه ترى البنت محجوزة لا تناظرها جذي ترى اعلم خالي ....
محمد : امش ندخل لتركي يلا و بلا كلام زايد .....
و دخلوا لتركي محمد و علي و قال علي : هاااا...أبو الشباب وش صار معاك مع البرنسيسة ..؟؟
تركي صفع علي بالمخدة : يا ثقل طينتك يا التافه ما صار شي وش بيصير يعني ....؟؟
علي بخزة خبيثة : امممممممممم علينا هالحجي ...حهحهحهحه
تركي بنص عين : و لا تفكر يا البزر ...
محمد جلس : من هذي يا تركي ...؟؟
تركي : هذي راعية مؤسسة بو فهد للاثاث تعرفها ..؟؟
محمد : ايييه المتوفي قبل سنتين موبجذي..؟؟
تركي : ايه ..
علي : و ليش هي جاية لك المستشفى ..؟؟
تركي عصب من كثر اسألة علي : و انت وش دخلك ليش تجيني وحدة و حبت تسوي الواجب فيها شي بعد ....... الحين اي سؤال ثاني تلقى المخدة في وجهك ...
علي بتطنز : يا خي مدري متى تخلص هالمخدات فلت علي وايد مخدات و ما قدروا .....و الحين صاروا سلاحك المخدات يا خبل
تركي صفع علي بالمخدة : الخبل انت و اللي خلفوك ..
علي ماد صبعه يهدد : ترى مخدة ثانية اخليك ترجع البيت مشي ...
تركي : ليش بيطلعوني ..؟؟
محمد يظحك : ههههههه... يا ليل ما اطولك... بكراااااا...
تركي : و ليش تظحك انت و وجهك يا ميكي ماوس ....
محمد : احسن حرا بنروح انا و علي نهايص بالنادي و انت اقعد ... حرااااااا
تركي : شوف يتملحس الحرمة الياهل ......لاحوووول
علي فقع ظحك و محمد سألاه : انت تظحك على اي واحد مننا ..؟؟
علي بظحك : ههههههه...الاثنين ..هههههههه
محمد عصب : انا ارويك تعال هنا ...
علي ظحك و طلع انحاش من الغرفة و محمد وراه ( البزران يركظون ورا بعض ) و تركي طايح في الوله يفكر بمروة و ناسي الدنيا و ما فيها....
----------------------------------------------------
بيت بو فهد ( الصالة )
الساعة 10 و نص الليل
كانت شذى جالسة تشاهد تلفزيون شوي و النلفون يرن ............ قامت شذى و ردت : ألو
نايف : ألو أنتو يا اختي متصلين علينا في البيت في شي
شذى : احنا ما اتصلنا على احد
نايف : اها طيب مع السلامة
شذى : مع السلامة
سكرت شذى السماعة صارت تفكر من هذا جاها شعور تجاه صوت هذا الرجال و بعد شوي انفتح الباب كان هذا فهد فتح الباب و دخل ما سلم سيدة راح غرفته و بعد شوي انفتح الباب و دخلت مروة : السلام
شذى: و عليكم السلام
مروة دخلت غرفتها و لا قالت و لا كلمة و صقعت الباب بقوة شديدة مثل صقعة اخوها فهد شذى استغربت من تصرفاتهم الاثنين ...و راحت غرفة مروة تشوف وش فيها .....
( غرفة مروة )
الساعة عشر و نص الليل
كانت منسدحة على السرير تلف يمين و يسار تبحث عن جواب مقنع على حركة تركي اليوم و ليش سوا جذي ظلت متعجبة و علامات الاستفهام ملية راسها و لمبتها منطفية اللي فوق راسها ما لقت جواب فقالت بنفسها : أنا ما علي غازلني و لا مدري وش سوا اهم شي ما قرب علي بسو بس حسيت نفسي حبيته من نظراته الزايدة و التشويق ... ( لفت جسدها يمين) ..بس ليش كان يناظرني جذي بوله و شوق منه و الله انا خايفة مابي اطيح في حب شباب كافي اللي شفته و اللي عرفته من صديقاتي عن الشباب ...
اندق الباب .... مروة : ميييييييين ..؟؟
شذى : هذا اني خالتي
قامت مروة فتحت الباب : وش تبين يا دلخة
شذى : هذا و انا ما دخلت غرفتك إذا دخلت وش بتقولين لي يا الجلبة ..؟؟
مروة بتطنز : يمكن ... ههه.. المهم انتي وش تبين داقة علي غرفتي في هالوقت ..؟؟
شذى جلست على السرير : اه..اه..
مروة جلست جنبها و سكرت الباب : سلامتج من الاه وش فيج شذى ..؟؟!!
شذى انسدحت على السرير : اه ... من العشق ..
مروة ضربت كتفها بكتف شذى : هااا...وش الطاري اي عشق ..حهحهحهحه
شذى ضربت على جبينها : اقولج مروة بسألج سؤال ... ممكن ..؟؟
مروة : تفضلي ..
شذى : كم مرة حبيتي في حياتج ..؟؟
مروة تجمدت : انتي وش لج بهالسؤال ..؟؟
شذى : يعني حبيتي ..
مروة بتردد ما تدري ليه هذا التردد : ...لا
شذى صفقت جبينها بقوة : كذااابة ...!!!!!!!!
مروة : انا خالتج يا اللي ما تستحي تقولي كذابة ......
شذى قامت : ما قلنا شي بس معقووووووولة ما حبيتي و انتي عمرج الحين 24 سنة و ما حبيتي ..!!!!!!
مروة : و يعني و عمري 24 سنة في ناس يحبون في الثلاثين لعلمج ..
شذى تغمز : يعني في صقة حب قريبة جداً تتقرب لخالتي العزيزة هااااا...هههه
مروة انسدحت : و الله يا شذى تبين الصراحة ...
شذى متحمسة : ايه ...ايه فضفضي يا خالة
مروة : اليوم رحت له شفته و مدري وش صار فيني ...
شذى انسدحت معاها : كملي .... كملي ..
مروة : لو تشوفيه كيف يطالعني بتتمنى مليون بنت من الكويت تصادف نظرته هذي حسيت لأول مرة أني بتعلق بهذا الشخص و لكن حسيت بشعور ثاني اني ....( سكتت)
شذى : ايه يا مروة كملي ليه وقفتي حسيتي بشنو ..؟؟
مروة : حسيت اني ما بعيش وايد مع هذا الشخص لو حبيته ...
شذى : كيف فهميني ..؟؟
مروة : يعني كيف افهمك يا ربي ...؟؟... يعني حسيت انه لو تعلقت بهذا الشخص ما بيدوم تعلقي فيه للأبد
شذى : اهاااااا.. جذي يعني بس على حسب علمي ان هذا معناته ان لو ارتبطوا مع بعض رح يصير بحبيبك شي لا سمح الله
مروة ضربت شذى على يدها : فال الله و لا فالج يا حمارة تدعين عليه و انتي لسى ما عرفتيه ..
شذى تمسح على يدها : اييييييي ... اعنبوا دارها من ايد ...... وش اسمه هاااااا
مروة بتردد و تفكير ما لقت حالها ألا و هي قايلة كلمة : تركي ........ ( مسكت فمها)
شذى تغمز و تحرك حواجبها : اهااااا .... سحبناج سحبناج بالحجي ليما تكلمتي اسمه تركي و من وين هذا ..؟؟
مروة ضربت راسها : الحين انا ما بخلص من حنتج و أسألتج هاااا...
شذى ظحكت : ههههه... ما بتخلصي مني رح تقولي يعني تقولي لي السالفة كلها من تعرفتي عليه لين ما قابلتيه اخر مرة يلا قولي ...
مروة : طيب بقولج ............
لفت شذى على جهة اليسار و تسمع كلام مروة الشاعري : و لما أنا فتحت باب المكتب لقيته قدامي يناظرني بطريقة غيييييير طبيعية و سألته و قلت له : انت ما رحت و هو كان مرتبك و راح و هو يصدم في الناس .........
شذى : هههههههههههههه خخخخخخخخخخخخ هههههههههههههههههه
مروة : ليش تظحكين ...؟؟!!
شذى بتطنز : شكله الاخ ما قدر من جمال عيونك صار يصدم في ناس شكلج سويتي له عمل في لحظة وحدة ...ههههههه
مروة : اقول انجعمي انجعمي .... هاااا... إذا بتقعدي لي تتمسخرين ما رح اقولج كامل السالفة ....
شذى خايفة : لالالا خالتي ( حطت يدها على فمها ) هيه خلاص سكت ....كملي..
مروة : اليوم الليل يوم شفتوني طالعة تدرون وين كنت فيه ...
شذى : وين ..؟؟
مروة : عنده .... في المستشفى لما دخلت و سلمت لاحظت عليه في وجهه ملامح تعجب فرح شي من هذا النوع و بعدين لاحظت عليه صار يطرد في اللي معاه من شباب ......
شذى : ليش كان كم شاب معاه ...؟؟. و أن شا الله حلوين ...؟؟
مروة تظحك : صج انج سطلة كان معاه شابين واحد ما شال عينه مني و واحد يهمس مع تركي مدري وش يقولون .......
شذى تطنز : يحشون فيج ...هههههه
مروة ضربتها على يدها : جب انتي و وجهج صج ما تنعطين وجه ......ههههههههههههههه خخخخخخخخخخخ
شذى على نفس السبب اللي تظحك فيه مروة : ههههههههههههههخخخخخخخخخخخخخخ
-----------------------------------------------------------
بيت بو تركي
نفس الوقت ..
كان يرن التلفون و يرن و يرن ...
الشغالة : ألو ...
المتصل : السلام عليكم
الشغالة : و عليكم السلام ..
( دخل علي البيت اشر على الشغالة يسألها منو هيا اشرت له يسكت )
المتصل : هنا السيد تركي ..؟؟
الشغالة : لا في المستشفى ..
المتصل شههق : ليش وش فيه بالمستشفى منصاب ..؟؟!!
الشغالة : و الله يا انسة انا ما اعرف روح انتا و شوف ... في امان الله
و سكرت الشغالة في وجه الانسة و قال علي للشغالة : منو بالتلفون ..؟؟ سورياتا ..
الشغالة ( سورياتا ) : هذي انسة تبي السيد تركي ..
علي شك في وحدة : لا يكون هاذيج يا سورياتا ..؟؟
سورياتا : أيه بابا و انا في سوي زي ما انتا قول ...
علي ظحك : وش سويتي ..؟؟هههه
سورياتا : أنا في سكر في وجه هي عسان هيا ما تتصل مرة تانية ...
علي فقع ظحك على سورياتا عندها عقل و لا نسوان ديرتهم ممكن يصيرون مثله سورياتا ذكية و راعية فزعة و متينةةةةةةةةةةةةةةة تهز اراضي الكويت بمشيتها خطوة منها انفجار من صدام ...>>>هههههههه
علي قال لسورياتا : اقولج سورياتا ...
سورياتا تحرك راسها يمين يسار : نأم بابا سمّ
علي : هههه سم الله عدوك ... ابيج تحطي لي شوية أكل و تغلفينه و تحطينه في كيس عشان بوديه لتركي يلا بسرعة ..
سورياتا : حادر بابا ....
علي حط يده على كتف سورياتا : ان شا الله تكوني فهمتي كلامي زين ....
سورياتا صطرت علي على خفيف : انا في افهم مو هبلة ...
علي بابتسامة : و الله و طلع لج ألسان و كلماله و يطول شوي شوي اقول انقلعي روحي حطي الاكل
و راحت سوريا قال علي بنفسه : هذي البنت وش تبي من خالي انا الصراحة ارتحت للي بالمستشفى اكثر من هذي اللي تتحرش في خالي صج ملاقة على قولة سورياتا ..( انسدح على الكنبة ) ..و محميد ليش كان يناظر بالبنت اللي بالمستشفى جذي لا يكون في شي و انا ما ادري طلعت في مصايب عند محميد و تركي لا حوووووووول من الحب اللي بيصير فراقه اعضم من غزو صدام ...
قطعت سلسلة الافكار سورياتا : بابا ...
علي نقز : شفيج ..؟؟
سورياتا خايفة : في في في ...
علي : وش فيج خرعتيني ... تحجي..
سورياتا ترتجف : في قتو بالمطبخ
علي ببرود : و انا وش اسوي لج ارقص لج يعني ....
سورياتا بمزح : يا ريت يعني ...
علي عصب حده : اقول انقلعي و الله ما تنعطين وجه يا ثورة اعنبوا دارج براميل بترول و تخاف من قطو .....ان لله ...
-------------------------------------------------------------
بيت بو فهد ( غرفة مروة )
الساعة 12 نص الليل
مروة : يلا انا قلت لج السالفة كللللللها و الحين دورج انتي ..
شذى : في ويش ..؟؟
مروة : منهو اللي من اول ما دخلتي غرفتي بسبب قلتي اه من العشق....منهو..؟؟
شذى : هذا يقولج لما انتي تجيتي من المستشفى قبل ما تجي بشوي دق التلفون و انا قمت ارد ريدت لقيت ذاك الصوت يااااااااااااااااااااااربي محلاه ...
مروة مبققة عيونها : شكله ينخق عليه ما دام صوته حلو ههههههه...
شذى : هيه انتي خلج في حالج خلج بتركي ما عليج مني انا ... المهم .........
و شذى قالت السالفة كلها لمروة ( شذى و مروة صديقات مروة تعتبر شذى الصديقة الوحيدة اللي تخبي عندها اسرارها و تفضفض لها بكل ما يكون في قلبها متخبي )
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$
و مرت هذي الليلة و صار الصباح وقت طلوع تركي من المستشفى ....
تركي : اييييييييي شويش شوي يا السطل احاحاح
علي : مدري عنك تعويلي يمين و يسار استقيم شوي ...
محمد : يلا امشوا لا السيارة تستنانه و انتو تمشون في بيض مسكر ...
علي بتفاهة : لا و حياتك ببيض مشقق ...هيهيهي
محمد : انت ما جربت يوم يجيلك صطار يعرفك وشو هو المزح العدل انت و وجهك يلا امشوا
تركي وقف : لحظة بروح اطمن على فيصل و ارجع ....
علي – محمد : يلا امش ... هووووف
و وصلوا لغرفة فيصل دخل تركي و ضم صديقه حيل .. فيصل : وش اخبارك انت يا تركي و الله ما ني قادر احسسك بشكري لك يا تركي فضلتي على راسي و الله
تركي يمسح دمعته : لا يا خوي هذا واجبي و اقل من واجبي بعد اهم شي انك بخير و سلامة
فيصل : انا بخير و لا تاكل هم يلا انت روح لأن بيزوروني بيت خالتي الحين
تركي : طيب في امان الله
فيصل : في امان الله
و تركي وعلي و محمد طالعين مروا عليهم بيت خالة فيصل اللي هم : مروة و فهد و عزا و بناتها شذى و شيماء تركي اتعجب من الموقف توه داري ان مروة تقرب لفيصل بنت خالته و دخلوا عائلة بوفهد و شيماء ظل يناظر فيها علي ما قدر يطلع صارت عيونه ما تشوف غير شيماء و شيماء تطالع فيه بحنية و ذوق و بعدين محمد مسك علي من يده : امش يا خي ليش واقف
علي : هااااااااه.... يلا امش امش
راحوا تركي و محمد و علي و جلست مروة : كيف حالك يا بن خالتي ان شا الله زين ؟؟
فيصل : تسلمين يا مروة بخير عساج بخير و كل هذا بفضل تركي
مروة : قصدك اللي الحين طالع من شوي
فيصل : ايه ليه تعرفيه ..؟؟
مروة ارتبكت و ناظرت بشذى : لا بس هو عنده مؤسسة تتعامل معانا ..
فيصل : اهااااا ... و انت يا فهد طمني عليك
فهد : بخير عساك بخير انت اهم شي بخير و سلامة
فيصل : تسلم .......
عزا : ألا وينها شيماء .....؟؟؟؟؟؟؟
نهاية البرات الثانيــــــ....
يا ترى وش رح تكون ردة فعل مروة بتركي يوم عرفت انه صديق ابن خالته ..؟؟
و شذى من هذا اللي اتصل و حبت صوته ..؟؟
و محمد ليش كان يناظر مروة هذاك اليوم باعجاب ..؟؟
و وش اولها مع شيماء و علي و النظرات المتبادلة..؟؟
البرات الثالث
كانت شيماء تمشي ورا علي : لو سمحت لو سمحت ...
علي بدون ما يلتفت و بزهق : هاااااااه نعم
شيماء : لو سمحت
علي بزهق : نعععععم ..( ألتفت) ..هلا و الله
شيماء نزلت راسها من الخجل و تركي رفس رجل علي : لا تقز قدامنا يا الخبل ...
شيماء ظحكت ظحكة خفيفة و علي سرحان فيها و علي قال : نعم سمّي بغيتي شي مني ..؟؟
شيماء : بس بغيت اعطيك هذولي المفاتيح ... لأنهم وقعوا منك
محمد دخل عرض : اوووه .. هذولي مفاتيحي .. جزاج الله خير يا اختي
شيماء : عفواً
علي طالع بيد شيماء : شنو هذا اللي بيدج ...
شيماء طالعت بيدها : هاااا.. هذا ولا شي جرح بسيط .. مشكور في امان الله
علي مسكها من يدها قبل ما تروح : وين رايحة ..؟؟
شيماء طالعت بعلي بخز و تركي و محمد قالوا : انقلب الجو رومنسي خلنا نمشي ( و راحوا )
و شيماء تطالع بعلي : اترك يدي لو سمحت..
علي باصرار : ما رح اتركها لازم تجين معاي عند الممرضة تضمد لج الجرح يلا امشي ..
شيماء : لكن .............
علي سحبها و ما خلاها تتحجا و وصلوا عند الممرضة و قالت الممرضة : عايز ايه يا سيد ..؟؟
علي يعرض يد شيماء : لو سمحتي يا اختي ابيج تعالجين جرح البنت ...
شيماء خزت علي بحقد و طالع فيها علي : لا تخزين ما رح تجاوزين عتبة الغرفة ألا و انتي ما فيج شي .
توجهت الممرضة لشيماء و مسكت يدها و شافتها و قالت : يوووووووه الحمد لله انك جبتها الي دلوأتي الحمد لله ما صار شي فيكي
علي خز شيماء و شيماء قالت : شوووووووو مو عاجبك الوضع يعني ..!!
علي كفت يدينه : و اخيراً تكلمتيه ... ان لله بس عليج من بنت دلعة ..
شيماء عصبت: انا ماني دلعة يا خبل انت ايه و الله
الممرضة : اركزي محلك يا بنت ..
شيماء ضربت الممرضة علي راسها بخفيف : انتي خلصي شغلج و ما لج شكو تفهمين ..
علي ظحك و انتبهت عليه شيماء : خيييييييير ليش الظحك ...
علي يحك مخه و منزل راسه : لا ابداً ... تذكرت شي ..هههههه
شيماء : اييييييييي اييييييييي
علي اخترع : علوا شفيه ..؟؟... شفيج تنوحين ....؟؟
الممرضة ماهي عارفة وش تقول : زهر في كطعة زجاج صغيرة جداً في داخل جرحها ... لازم تألعها ..
علي معصب من الممرضة حيييييييل و يصارخ : اشتغلي زين يا بنت الكللللللللللب لا يصير شي بالبنت .. ترى و الله ما ارحمك تفهمين انتي و وجهج ....
شيماء تبعد الممرضة عنها : انتي وش تسويييييييين اتركي يدي يا مجرمة ...
الممرضة خايفة : بس رح انزع لك الكطعة لا اكتر .... و الله ما رح تتأذين ....
علي ماسك يد شيماء الثانية و صار يهديها : لا تخافي ما رح يصير فيج شي كلها ثانية وحدة و تخلص الممرضة لا تخافين انا معاج ....
و بلحظة شيماء ناظرت بعلي و علي استحا و ترك يدها و وجهه احممممممممممر و بعد شوي جت الممرضة بتشيل القطعة و شيماء تون :ايييييييييييييي اييييييييييييييي ايييييييييييييييييييييي اح اح اح
رجع علي و مسك يدها و خلصت شيماء من جرحها و ألتفتت لعلي بأبتسامة شاقة الوجه و علي اتمنى الارض تنشق و تبلعه من الخجل و الاحمرار اللي فيه و بعدين قالت الممرضة : ما تغيبش عينك عن زوجتك فهمتي
علي و شيماء خزوا الممرضة خزة قوية حييييييل بغت تتطلع عيونهم و الممرضة خافت و سوت حالها ان التلفون يرن تبي تتخلص من الموقف و طلع علي و معاه شيماء
و بعد لحظة من السكوت انطقت شيماء : سيد......
علي : علي ....
شيماء : سيد علي نسيت اقولك مشكور على اللي سويته اليوم معاي ....
علي ألتفت و ناظر شيماء بإعجب متعجب من آدبها و ذوقها بالكلام : عفواً ترى ما سوينا شي .... و حتى أنا آسف لأني صارخت عليج ...
شيماء ناظرته بأبتسامة تملاها الانوثة : لا هههه كنت استاهل اصلاً كنت خبلة و دلعة بزيادة هههههه
علي : هههههه ايه و انا بعد ماخذ جو بزيادة يعني اصارخ مني و مني ....هههه
و مشوا الاثنين و لا تحجوا و لا كلمة لين ما صاروا قريبين لغرفة فيصل وقفت شيماء : مشكور مرة ثانية يا سيد علي ..
علي : عفواً مهما كان انتي من هالوطن الحبيبة ... ألا عذراً ما تعرفنا ...
شيماء مدت يدها بالسلام : معاك شيماء صالح ....(..)
علي مد يده و سلم على شيماء : تشرفنا عاشت الاسامي ...
الاثنين ظلوا لهم حوالي النص دقيقة و هم يناظرون ببعض و اخر شي تركته شيماء و راحت و هو ظل مستند على الطوفة و يطالعها لين ما توصل الغرفة و صار كلا يتنهد و يفكر : اه .. اه.. وش هالبنت اللي طيرت عقلي من مكانه شلعت قلبي سوت فيي سحر اهههههههههه من البنات الحلوين وش كثر يعذبون الرجال ...
غرفة فيصل ...
عزا مسكت شيماء : انتي وين كنتي خرعتيني عليج ..
و شيماء تطالع برا و لا كأنها سامعة كلام امها و بعدين قالت شذى : انتي يا الخبلة ردي على امج ..
شيماء : هاه ... ها يما وش فيج يا ست الكل ترى ما صار شي بس رحت الحمام و رجعت ما صار شي...
فهد : ما تهوني عن سوالفج انتي ..
فيصل : لساتها شيماء الخبلة هذي لسى ما تغيرت مثل ماهي مهبولة و سطلة ....
شيماء توجهت لعمها فيصل و هي فارشة الايادي بالاحظان : هيه .. ثمن كلامك يا فيصلو تراني طلعت من البيضة اقدر برمشة عين اخليك تتسدح هنا و ادوس ببطنك .. ايه
عزا : عيب يا بنت ...
فيصل : لاحووووول ... بعد حتى انا بطلعي فيه زعارتك و رجوليتك يا البزرة ...
الكل :هههههههههه
شيماء باست عمها في خده : موووووبه ... عسى ربي ما يرحمني منك يا عمي يا الغالي انتا ...
فيصل ينفظ ثيابه : احم ... احم... ماتقدري تعيشين بدوني موبجذي..؟؟
شذى : تييييييييييه .. أكيد يا بعد هالقلب انت اجل وش تحسب محلاك يا عمي بس .....
مروة : خلاص انتو عااااد وخروا عن الرجال تراه مو متحمل ثقالة طينتكم ..ايه
شيماء و لا عليها : انتي ما لج دخل بيني و بين عمي
فيصل يناظر مروة باستغراب و مروة عصبت و قامت لهم : اقول قوموا قوموا ها اشووووف صج ما تنعطون وجه ....
-------------------------------------------------------------
في بيت بو محمد
الساعة 3 العصر
كان جالس مع عائلته يتغدون و هو مو قادر يتغدا سأله ابوه بو محمد : شفيك يا ولدي ما تاكل
محمد : هاااا.. لا يا يبا بس مالي نفس أنا أستأذنكم .. بطلع
ام محمد : وين بتروح يا ولدي ...
محمد : بروح لتركي اطمن عليه لأن توه طالع من المستشفى ...
بو محمد : روح الله يحميك من هذولي الكلاب اللي يدورون بديرتنا
محمد باس راس ابوه : لا تاكل هم يا يبا اللي كاتبه الله بيصير .... يلا في امان الله ..
الكل : في امان الله
راح محمد و مروج قالت لامها : يمااا..
ام محمد : شتبين حبيبتي
مروج : يما قلتي لمحمد ابي اروح بيت صديقتي شيماء ...
ام محمد تستعبط : اي شيماء ..؟؟
مروج : يماااا شيماء صالح اللي معاي بالجامعة
ام محمد : اييييه طيب إذا رجع ... بقوله
مروج : متى يعني ..؟؟
ام محمد : يوووه لا تحنين الليل الساعة 8 يعجبك
مروج بعد التفكير : اممممم ... طيب ( باست امها و قامت )
بو محمد بهمس : راعية مصالح بنتج ....
ام محمد ضربته على كتفه بخفيف : خل بنتي يلا .. ايه و الله هذي المدلعة اخر العنقود...
مروج من بعيد : سمعتك يبا .... احسن لك لا تحش
بو محمد : ههههههههه خبلة
طااااااااااااااااااااااااااااااااااااااااااااااااا خ ( انفجار )
مروج تصارخ : يباااااااااااااااااااااااااااااااا يماااااااااااااااااااااااااا
بو محمد و ام محمد راحوا لها لقوها منسدحة و حجارة كبيرة فوق يدها و المطبخ محطم صرخت ام محمد و بو محمد شال الحجارة من على مروج و حملها و اخذها للمستشفى ....
-------------------------------------------------------------
بالمستشفى
نفس الوقت
وصلوا و حطوا مروج بالسرير المتحرك و يوصلونها لغرفة الجراحة و بو محمد اتصل على محمد
محمد : هلا يبا ...
بو محمد يصيح : يا ولدي تعال بسرعة المستشفىىىىىىىىىىىىىىىىى
محمد مخترع : ليش يبا في شي وشصاير
بو محمد يضرب على راسه : اختك مروج انصابت و الحين هي بالجراحة تعال بسرعة ...
محمد انصدم : هاااااااااه ... الحين جاي دقيقتين بس سلام
و سكر محمد و قاله تركي : شصاير ..؟؟
محمد و هو قايم : مروج مدري وش فيها يقول ابوي منصابة و الحين هي بالستشفى
تركي قام : يلا بنروح معاك امش
محمد : يلا بسرعة ..
و في الطريق في سيارة محمد كان محمد يضرب في سكان السيارة : يا ربي البنت وش فيها لدرجة ابوي يصيح ... اكيد فيها شي جايد ...
تركي مسكاه من اكتافه : هدي يا محمد الحين نروح و نشوف وش فيها انت لا تفاول عليها .... ما فيها ألا كل خير ..
محمد لساته معصب و قلقان : يااااااااااااااااربي لو يصير شي بمروج ما رح اعيش ..
علي : لا تقول جذي ان شا الله هي بخير الحين هدي انت بس
و وصلوا المستشفى و ركض محمد و راح لأبوه و شاف ابوه جالس عالارض مغطي وجهه بيده و بجنبه ام محمد راح لهم محمد متخرع : يبااااااااااااااا يماااااااااااا وش فيها مروج خبروني جاوبني ...
بو محمد بدون ما ينزل وجهه و بصوت تعبان : اختك في غرفة الجراحة عشان يدهااااا منصابة ...
محمد راح يركض لغرفة الجراحة ماقدر يدخل لأنها مقفلة و صار يطق باب الغرفة بقوة و يصيح و بعد 3 ساعات طلع الدكتور من غرفة الجراحة و راح له محمد و بو محمد و ام محمد و محمد سأل الدكتور : الحين دكتور وش حال اختي .... عساها بخير
الدكتور حط يده على كتف محمد : لا تخاف هي بس يدها تورمت شوي و لكن عملنا لها جراحة تجميل و صارت يدها مثل ما كانت و الحين يبيلها بس الراحة ...
بو محمد : الحين نقدر نشوفها ..؟؟
الدكتور : انصحك تروح و ترجع الليل الساعة 9 تكون جذي البنت صحت من المخدر ...
ام محمد : لا يا دكتور احنا بس نبي نقعد عندها مو لازم نقعدها ...
الدكتور بعد التفكير العميق : طيب و لكن بدون ازعاج
محمد طار من الفرحة : طيييييييييييييب وين غرفتها ...؟
الدكتور يأشر : هناك في الممر اللي ع اليمين ...
راح محمد لأخته ..
( محمد ... عمره 26 سنة ... شاب يحب الاكل و لكن ما يبين فيه لانه ضعبف و بار بوالدينه و يحب اخته مروج ما ينقص عليها شي و هو طويل شعره طويل بس مو مرة يوصل لتحت اذنه بشوي و ناعم و اما عينه تخلي بنات الخليج ينصنموا من نظراته اللي تخقق و شاب ما يحب شي اسمه سروال دايم بشماغه و دشداته و عقاله ...)
أما مروج ....
( مروج .. عمرها 19 سنة .. رفيقة شيماء الروح بالروح مروج بنت اي شاب يتمناها تتواصل مع الناس و بارة بوالدينها و جميلة مررررررة و رزينة و فيها شوية دلع من هذي الناحية تحب الشاب الحلو ..)
-------------------------------------------------------------
بغرفة فيصل
كان فيصل يفكر بوضعه الحين صار ما يمشي يعني ما يقدر يكمل حياته كشاب كامل مكمل : ياااااااربي نجيني من هذا الوضع اللي كلماله و يخنقني من الضيقة في هالمكان ..( تسند) يا ترى علي ليش كان يطالع بشيماء جذي و تركي كيف كانت نظراته لمروة اشغلت بالي هالبنت و الله ( تنهد ) مروووووووووة يا شاغلة مخي اخاف يكون بينك و بين تركي شي و انا ما اعرف يا ريت ما يكون يا ريت ما يكون ...
طف الضو و نام ..
-------------------------------------------------------------
بيت بو فهد
الساعة 8 الليل
كانت شيماء تدلع و تبيع حجي لخالها فهد : خالي حبي انتا ممكن تودينا السوق انا و صديقتي ...
فهد ينفظ ثيابه : لا حووووووووول .... اي صديقة هذي ... و ما عندها اخوان يوصلونها ..... و ليش سويتي فيها الفرعة و عزمتيها هاااا هاااا
شيماء : هدواااا خالي ما قلنا شي انت بس ودينا و اخوها محمد يرجعنا ... تكفى خالي طلبتك لا تردني ..
فهد : هووووف هووووف .. طيب تقولي لصديقتج تجهز الساعة تسعة و إلا اهون ..
شيماء باست فهد على خده : يا احلى خال بالدنيا عسا ربي ما يحرمني منك .. الحين تدلل امر وش تبي جميل لك ...
فهد يتدلع مثل شيماء يسوي حركات مثلها : ياربي انا وش اطلب يا ربي ...
شيماء تضرب فهد على كتفه بخفيف : خالي تحجه زي الناس ..
فهد يظحك ظحكة ينخق عليهااااااااا مرة: ههههه طيب طيب قومي حطي لي شي اكله ...
شيماء : بس بس من عيوني و خشمي و خشتي كلها .. كم فهد عندنا احنا ..
فهد : تسلم خشتج يلا قومي ..
##### بعد ساعة #####
في غرفة شيماء
شيماء : يوووووووووووه هذي ما جت وش بلاها تأخرت بتصل عليها بشوفها ...
دقت شيماء على بيت مروج و لا احد رد الكل في المستشفى
شيماء معصبة حدها : يا ربي الله يخسج يا مروجو وينج وين انقلعتي .... يا ربي يا فشلتي قدام خالي..
فهد دخل الغرفة : وينج انتي و صديقتج ..؟؟
شيماء منزلة راسها و مستحية : الصراحة يا خالي ....
فهد : وش فيج ..؟؟
شيماء : مروج ماهي رايحة معاي السوق ... انا و الله مستحية منك وايييييييييد ...
فهد بحنية و طيبة : طيب ليه انت ما تروح و تخلينها تولي ..
شيماء رفعت راسها مبسوطة : و الله يا خالي فديتك انااااااااااا
فهد يظحك : ههههه لا تصارخين يا الخبلة يلا امشي ..
شيماء راحت لخالها فهد و ضمته و باسته براسها و راحت معاه ...( راعية مصالح ححححح)
( فهد صحيح يعصب مرات و ماله خلق لكن في شي ساكن بقلبه فيه طيبة و حنان )
-------------------------------------------------------------
بالسوق ..
السااعة 9 و نص
فهد يقول لشيماء : شيماء شيماء ...
شيماء : امر خالي ..
فهد يأشر بعينه : شوفي هذيج البنت كيف حلوة ..
شيماء : اي وحدة ... هذي ... عادية مافيها شي بس اذا انت تبيها الحين اقوم اخطبها لك ....
فهد يضربها على راسها : مو وقت مساختج انتي و الل | |
|
خالد الجنجي
...::| عضو ذهبي |::...
آڵمُشـَآرڪٍآت : 696
عدد النقـــاط : 6670
سمعة العضو : 13
تاريخ التسجيل : 10/11/2008
| | موضوع: رد: ~~{ رواية # فراغ العاطفة # رواية }~~ الجزء الاول الأربعاء نوفمبر 04, 2009 4:19 pm | |
| | |
|
عباس ابن فرناس
...::| عضو محترف |::...
 آڵمُشـَآرڪٍآت : 4052
عدد النقـــاط : 9980
سمعة العضو : 1
تاريخ التسجيل : 24/08/2009
| | موضوع: رد: ~~{ رواية # فراغ العاطفة # رواية }~~ الجزء الاول الجمعة نوفمبر 06, 2009 2:34 pm | |
| | |
|
Hitskin.com
