خليل غزة
...::| عضو محترف |::...
 آڵمُشـَآرڪٍآت : 1793
عدد النقـــاط : 7928
سمعة العضو : 0
تاريخ التسجيل : 12/11/2008
 | | موضوع: هـ؟ـي..وٍوٍلـد عـمـهـا..قصه واقعيه!! الأربعاء نوفمبر 04, 2009 9:12 am | |
| هـ؟ـي..وٍوٍلـد عـمـهـا..قصه واقعيه!!
--------------------------------------------------------------------------------
هذي قصه واقعيه للأنسانه قريبه مني جدآ....عشت معها احداث هذه القصه لحظه بلحظه...والجزء اللي ماحضرته من احداثهاترويه لي هي يتفصيل...آحداث هذه القصه حدثت قبل كم سنه ولكن هذا الماضي مااثر عليها لحد الآن حبيت انقل لكم قصتها لستفيد من كل تجربه مرت فيها ونتروى قبل نأخذ قرارت حتى لو كانت بسيطه ومن سردي لااحداث القصه على 3 اجزاء بتفهمووون آكثر......
الــــبــــدايـــــــــــه.........!!
(كان عمرها في تلك الفتره 15 سنه تكبر جميع اخواتها كانت طفوليه بكل ماتحملهاهذا الكلمه من معنى تلعب لحد الآن افكارها طموحتها طموحات اطفال الفرق العمري بينها وبين اخواتها كبيريعني بين 4 او 5 سنوات تعتبر بين اهلها الطلفه المدلـله<<<ماكانت تعرف ان طفولته ودلالها بينتهي بمجرد مايخطبها ولد عمها كانت على قدرمن العفويه والجمال وطيبة القلب والبراءة وانواعها)<<<هذي هي!!
اما هو"ولد عمها" (اكذب عليكم لو اقول انه يعشقها كان يهيم بها لدرجة الجنووون آحبها من يوم كانت صغيره وعمرها7 سنوات الفارق العمري بينهم 10 سنوات...هي لم تدري انه يحبها وهولم يبين ذلك والذي ساعده انه يسكن في منطقه آخرى غير منطقتها..شاب طمووح..مستعد يفعل المستحيل ليرضيها..رجل عصامي بكل ماتحمله الكلمه متكامل من جميع النواحي الشخصيه والعاطفيه<<لاتقولون وش عرفك لاني من اسلوبه وحركاته معها عرفت معنى الرومنسيه والحب)
ممكن أتكلم عامي الحين!!
خطبها وهي تدرس في الصف الثالث متوسط كانت ايامها تلعب"حريم مع اخواتها" كان مبرره لخطبها وهي في هاالعمر انه خايف ان أحد يسبقه عليها لانها من النوع اللي تنخطب بسرعه وغيركذاعندها عيال خال مشاءالله وغير عيال جيرانهم اللي يبونها....بداية الرفض كانت من ابوها ومبرره انها صغيره لم يرفض بمعنى كلمة الرفض بس قالهم نصآكذا:البنت لك بس خلها تكمل على الاقل لو سنه وحده باالثانويه"
هو فرح لانه ضمن شبه امتلاكها لكن هي....!!!
عرفت بصدفه من بنات عمها الصغار عن خطبته لها هي انهبلت انجنت ماتوقعت هاالشخص هذا بتحديد يخطبها دخلت دورة المياه جلست تبكي بحرقه تقول"كرهت نفسي ليه يخطبني وانابعدني صغيره مااعرف اسوي شي اكره اكره"هي حطته براسها وكرهته من لحظة ماخطبها حقدت عليه بشكل مو طبيعي كانت تبي توصل له رفضها بااي طريقه عشان مايكمل مشوار الخطبه وعلوم الرجال ..........
عدت سنه وخلصت اولى ثانوي ارسل لها ورقه كتب فيها"بدا العد التنازلي"!!
من ضمن كلامه لها بذي الفتره يعني السنه اللي عدت انه اذا ماوافقت مستعد اسوي فيها أي شي عشان اضمنها واملكها غصب عنها؟؟؟؟؟<شفتووو اللئم والتفكير الحقيررررررر يبي يخليها تفقد اعز ماتملك عشان يربطها فيه!!
بشهر3 جاب امه وابوه واخوانه وطبعآجاء عمها الثاني وزوجته <مسوين فزعه عشان توافق
ليلتها سوو عشاء في البيت عشان الضيوف ماانسى ذاك اليوم كلمتني تبكي بحرررقه تقول وش اسوي ماابيه؟؟؟
دخلت الغرفه نامت عشان محد يكلمها بشي الساعه ثلاثه في الليل جاء ابوها لها بغرفتها وهي تصطنع النوم بس خافت صحهاهي قبل ابوها يقول أي شي قالت ماابييييه ابوها قال الرجال يبيك وخطبك مني كذا مره قالت ماابيه وتسد اذنها عشان ماتسمع شي...قال خلاص انا اعطيت الناس كلمه وبكره بجيب الشيخ يملك قامت تبكي وتقول والله لو أخذه انتحر!!ماابي ماابي........ابوها قال طيب وطلع من الغرفه!!
ابوها رجل طيب مرررره طيبته توسع الكون كله حنون مررررره ومعروف هاالشي بمجتمع اللي يعرفه!!
المهم:اليوم الثاني جاء الخطيب"محمد"يستنى خبر يفرحه...ابوها مسكه باالشارع وقاله البنت ماتبي الله يوفقك بوحده غيرها الولد ماقدر يتحمل انهار وبكى في الشارع وقام يحلف اذا مااخذتها مااخذ غيرهآ؟؟؟؟؟؟
على بالكم كذا خلصت السااااالفه <<<<<آآآه بس!!
مامر نص شهر الا الأخ يرجع يخطب ...رفضت!! ويرجع الشهر اللي بعد وترفض وتقول لو آخر رجال في العالم مااخذه سافر عند واحد من عمامها الصغار كان يشتغل في منطقه فيها بحررر ماشاف عمه الا مسكه وبكى وبكى وبكى<هذا الكلام منقول عن عمها اللي كان معه !!
يحلف يقول "والله مانام يومين كله جالس عند البحر ويبكي ماتوقعته يموت فيها لهدرجه"!!
بعد ماخطبها تقريبآ سبع مرررات ...في المره السابع كان جالس مع ابوها في حووش البيت ...صح نسيت اقولكم شي مهم!!
"من يوم مارفضت هاالبنوته ولد عمها وشاف ابوها اسرار محمد عليها صار ابوها ماينام في البيت ولايكلمها وامها بعد تعاملها معامله قاسيه لدرجة انها تقول لي نفس البنت"في ذيك الايام شكيت ان امي ماهي آمي" كل ماتتعدى ترمي عليها كلمه ياغضيبه خليتي ابوك ينام برى البيت كل شي تبيه مايلبونه لها طلعات مافيه غيره وغيره وغيره!!!!!!
(ارحموووو دموع ولد عمها ومارحموووو دمووع بنتهم) <مو قهر بالله!!
المهم :اكمل لكم يوم خطبهاللمره السابعه ...جاء ابوها وقال لهم:"تبين رضاي وافقي عليه؟؟"
كانت هي تتعشى....قامت دخلت الغرفه فكرت شوي ..الولد يحبني ليه مااوفق وبعدين أي شي ابيه راح يجيبونه لي وغيرا كذا زواج خالي بعد شهر ومابعد سويت فستان..خليني اوافق بس مااملك وزواجي بعد مااخلص كليه وغير كذا والاهم اكسب رضى ابوي وامي<<هذا كان كلامها!!
طلعت بدون تفكير قالت ابوي انا موافقه على محمد !!
ابوها طار من الفرحه وباسها على راسها وراح بسرعه لمحمد اللي جالس باالحوش يتقهوى!!
قاله ابشرك وافقت البنت؟؟؟؟؟؟؟؟؟؟؟؟؟؟؟
قام يصرخ من الفرحه يصرررررخ يقولي هي لي هي لي انا وبس كنت متوقع انها ماتكون الا لي<نسى نفسه الرجال!!
من زود هباله راح جاب الشيخ اللي يملك الساعه 2 ونص في الليل كله عشان ماتغير رايها !!!
طبعآ ملكت وهي تبكي كانت ماتبي تملك بس تبي خطبه كذا !! بس مو بيدها خلاص الشيخ في المجلس
ملكت من هينآ وجلست تبكي من هينا تقول ماابيه خلاص انا ندمت <<آقل شي جاها في ذاك الوقت كف على وجههآ!!
تقولي هي بنفس الليله اللي ملكت فيها جنبي كان يوجعني وفيه ألم موطبيعي يعني تجمعت عليها من جميع الجهات ملكت على واحد ماتبيه وجنبها يوجعهآ!!
آما هو<<<اللي قارهني ذا!!
مانااام فرحااااان الدنيا ماوسعته من الفرحه....سافرراح للبحر ورجع وزع هدايا وفلوس على العالم لليل ....
هي وصلت له خبر انها ماتبي تسوي حفله اوبمعنى اصح ماتبي تسوي شبكه!!
بعد اقناعات وافق!!
مر كذا شهر على خطبتهم وهي لاتكلمه ولاشي يتصل ماترد يرسل هداياتكسرها كانت الناس تدق تبي تبارك كانت تقول محد ملك من يقولكم كذب كذب....!!
كانت تجينا المدرسه كنا ايامها سنه ثاني ثانوي تصرخ وتبكي تقول يابنات ماابيه وتنهار من قوت ماتبكي واحنا نبكي معها كانوا الاستاذات والمديره بكبرها يعرفون ان هاالبنت مخطوبه لواحد ماتبيه!!
مره راحت عند آخته في البيت عشان تساعدها في ترتيبه لانهم ناقلين جديد هو طبعآ اهله بنفس منطقة هاالبنت بس هو يشتغل برى!!
اللي صار ماكان في البيت الاهي وآخته تقولي "كنت مو كاشخه لابسه لبس مره عادي ولامه كشتي وجالسه باالمطبخ ماكنت عارفه انه موجود وجاي من السفرمالفيت كذا لا والأخ واقف عند الباب وحاط يدينه الثنتين عليه عشان ماتقدر تطلع!! ويبتسم!!!
تـابعوا الجزء الثاني من القصه المره الجايه لآن امي تناديني لاتفوتكم ترى الاحداث مررررره مشووووقه!!
للحديث...بقيه........!!
منقول | |
|
خالد الجنجي
...::| عضو ذهبي |::...
آڵمُشـَآرڪٍآت : 696
عدد النقـــاط : 6670
سمعة العضو : 13
تاريخ التسجيل : 10/11/2008
| |
خليل غزة
...::| عضو محترف |::...
آڵمُشـَآرڪٍآت : 1793
عدد النقـــاط : 7928
سمعة العضو : 0
تاريخ التسجيل : 12/11/2008
| | موضوع: رد: هـ؟ـي..وٍوٍلـد عـمـهـا..قصه واقعيه!! الجمعة نوفمبر 06, 2009 8:01 am | |
| اشكرك اخي خالد على مروورك وتشرفت فيك.. | |
|
Hitskin.com
