اسم العضو انا
...::| عضو محترف |::...
 آڵمُشـَآرڪٍآت : 3382
عدد النقـــاط : 9887
سمعة العضو : 9
تاريخ التسجيل : 29/04/2009
 | | موضوع: قصتي وأنا أقيـّمني .. ( ثرثرة هزلية ) !! السبت سبتمبر 19, 2009 3:54 pm | |
| المناسبة /
استغلال خاصية التقييم التي وفرتها الإدارة الموقرة للرقي بهذا الملتقى الجميل
واستخدامها من قبل البعض .. وهم قلة ولله الحمد .. بشكل خاطئ ..
حيث يقيّمون مواضيعهم بأنفسهم أو يجاملون بعضهم
على حساب المواضيع التي تستحق التقييم فعلا !!
(( القصة ))
فيه مره .. فكرت لي .. وقررت إني أشارك عني .. بأي موضوع في أي قسم والسلام .. المهم إنه يخليني أنبسط مني وأفرح لي .. حتى لو لطشته .. أو .. قصيته ولصقته .. أو .. حتى اعتبرته سلق بيض .. وجمعت لي سوالف وقلت أنا اللي ألفت لي
بعد ما جبتني أنا وموضوعي .. التجميع طبعا .. للمنتدى .. سجلتني دخول .. وعلى طول .. نصيت أقرب قسم .. حسيتني إنه يناسبني أنا واللطشه اللي معي
وأقوم وأسدح الموضوع الصيده .. وأكتبني تحته .. بقلمي .. مدري بيكبوردي .. المهم حطيتني وبصمتي اللي توضح إنه تبعي .. وابن أمه يحتج ويقول اوب لي أنا وياي أصلا
شوي .. وأقوم .. وأدهر لي .. وأقعد أرد لي .. وأمدحني .. لأني مسجلني .. بأسماء ثانيه .. عشان أساعدني وأفزع لي في الزنقات لو طلع موضوعي مثلي .. من جنبها
وأتواسى للنجوم .. وأصمخني بتقييم يحبه قلبي .. وأميّـزني .. مع إن واحد من حبايب قلبي اللي أعرفهم .. كان متزهلن لي بالتقييم .. حتى لو إن موضوعي دردعه
المهم بديت أمدحني .. وأرقـّصني .. وأعزمني بدعوات .. عشان أشارك لي .. وتزيد الردود .. ويشوفونه الأعضاء الصدزيين .. وينتبهون لي .. ويزوروني أنا وموضوعي
وطبعا ما قهويتني عشان أقهويهم .. لأني أنا وياي أصلا ما عندنا وقت .. الناس داخله طالعه على الموضوع .. ومن الزحمه أنا نفسي ما عرفتني
وبعد ما حسيت إني رفعتني فوق .. صدقتني .. وبديت أغتر .. وصرت أتكبر عليّ .. وما أعطيني وجه .. وبعد ما كنت مصادقني .. جحدتني .. وصرت أتثيقل عليّ إذا شفتني
عاد .. أنا استحليت الدعوى وقلت بالمره يا شيخ خلني أدلعني .. حتى لو إني أتسذب عليّ
ولأني مسجلني بأسامي ثانيه .. وصاير وش كثري .. كني ناس واجد .. كنت حاط لي
أسامي بنات .. عشان ما أشبهني
وأبدا ألمح لي .. وأحاول أحتك بي .. عشان أشبّكني .. وقمت أشاكسني .. وأغريني لين ولعتني فيني .. يوم بديت أضيعني .. وأغرر بي
شوي شوي صرت أغير عليّ مني .. وبديت أتشره عليّ .. لين تهاوشت معي .. وزعلتني .. وفكرت أنتقم مني .. لأني جرحتني .. وصرت أكرهني
وشكلي أتعبتني .. يومني تعلقت فيني بعدين تركتني .. لأني ما تخيلتني بدوني .. فقعدت أراجعني وش سويت فيني .. وبنفس الوقت طلعت في راسي إلا أنتقم لي مني .. زي ما خنتني .. لازم أشبكني مره ثانيه عناد .. وبعدها أهجرني .. علشان يصير أنا اللي تركتني في الأخير
فجأه .. نقدت عليّ .. وبديت أهزئني .. يا أنا بهذلتني بعد .. وحمقت عليّ وضقت لدرجة إني بغيت أجلدني .. بعدها عورني ضميري .. وقمت وسألتني ليش أنا تصرفت لي زي كذا؟!
وبعد ما أقنعتني إني شبـّكتني عبث .. شرهت عليّ .. وتضايقت لي مني .. وبديت أنصحني وأنورني .. ويوم حسيت إني ما أسمعني .. قمت وديتني لأحد ثاني عشان ينصحني وينبهني ويحذرني مني .. وعشان أبعد عني ما أماشيني ثانيه وأخربني
لكن ما نفع .. ذا الثاني اللي أنا وديتني له .. فرجعني لي أتفاهم معي من جديد .. ويوم رجعت لي .. حسيتني إني متضايق مني وما أطيقني .. وقعدت أحايلني .. لين قردنتني .. وبديت أسامحني
شوي .. وصرت أسولف معي على خفيف .. لين صرت أمون عليّ مره ثانيه .. وأمسك بي خط في السوالف .. وما انتبهت لي .. إلا أنا وياي برا الأماكن
بعدها .. بديت أفكر لي بقوه .. وأسألني .. وش اللي حدني إني أقيّمني من البدايه .. وأنا أصلا لاعبن عليّ .. من كل جهه؟!
هل هالطريقه .. هي اللي بتخليني أشتهر لي .. وإلا أبدع لي؟!
وأقنعتني في الأخير .. إني مهما نصبت عليّ .. أو قيّمتني .. أو فزعت لي .. ما راح أمشّيني على عقول الناس الذهينين .. اللي يفهمون ويميزون الغث من السمين .. وراح أكشفني قدامهم .. الحين وإلا بعدين !!
ومن الأفضل لي .. إني أكون بطبيعتي .. أقدم اللي عندي .. وأخلي الحكم للباقين .. لأني لو قدمت شي يستاهل راح يفرض نفسه .. وهم ما راح يبخسوني حقي !!
في النهايه .. اعتذرت لي ولضميري مني .. وأشوى إنه صحاني لي .. وإلا كنت ناوي أسرقني .. وآخذ مواضيعي لمكان ثاني
ختاماً /
وضعت نفسي الشخصية الرئيسية في القصة عمداً .. حتى لا يقال أني أقصد بها أحد بعينه .. ولكنها رسالة غير مباشرة لمن تكفيهم الإشارة .. حتى يروا حجم خطأهم بمنح تقييمهم مجاملة لأنفسهم
أو لأصدقائهم .. ويهضمون حق أقلام أخرى مبدعة بمعنى الكلمة (وأقسم بالله أني لا أعني نفسي بمسألة التقييم حتى لا يكون هناك تأويل للهدف من الطرح بهذه الطريقة)
دمتم بود واحترام | |
|
عباس ابن فرناس
...::| عضو محترف |::...
 آڵمُشـَآرڪٍآت : 4052
عدد النقـــاط : 9778
سمعة العضو : 1
تاريخ التسجيل : 24/08/2009
| | موضوع: رد: قصتي وأنا أقيـّمني .. ( ثرثرة هزلية ) !! الأحد سبتمبر 20, 2009 7:06 pm | |
|
مشكورررررررررة علي الموضوع
| |
|
قيثارةحب
الإشراف \
![الإشراف \](https://i.servimg.com/u/f69/13/59/83/03/24638410.gif "الإشراف \")
 آڵمُشـَآرڪٍآت : 416
عدد النقـــاط : 5850
سمعة العضو : 1
تاريخ التسجيل : 20/08/2009
| | موضوع: رد: قصتي وأنا أقيـّمني .. ( ثرثرة هزلية ) !! الثلاثاء سبتمبر 22, 2009 8:36 pm | |
| | |
|
ريهام
الإشراف \
 آڵمُشـَآرڪٍآت : 6381
عدد النقـــاط : 13910
سمعة العضو : 6
تاريخ التسجيل : 25/10/2008
| | موضوع: رد: قصتي وأنا أقيـّمني .. ( ثرثرة هزلية ) !! الأربعاء سبتمبر 23, 2009 4:53 am | |
| | |
|
الأحداث