| | ღ تتجوزيني ღ |  |
|
+5الامير اشرف شمس اسكندرية دودى دووووو الرحال سندباد بحر الدموع 9 مشترك |
| كاتب الموضوع | رسالة |
|---|
بحر الدموع
إدآرة ـآلمنتدى
 آڵمُشـَآرڪٍآت : 6805
عدد النقـــاط : 12906
سمعة العضو : 21
تاريخ التسجيل : 27/01/2009
| | موضوع: ღ تتجوزيني ღ الخميس أبريل 09, 2009 7:38 pm | |
| تتجـــوّزينـــي ؟؟
تتجوزيني ؟
ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه
\/\/\/\/\/\/\/\
تتجوزيني ؟
ـ إيه ده ؟ شكلك اتغير
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي
\/\/\/\/\/\/\/\
تتجوزيني ؟
ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس
\/\/\/\/\/\/\/\
تتجوزيني ؟
ـ عندك عربية موديل كام ؟
ـ موديل دي تبقى شتيمة ؟
\/\/\/\/\/\/\/\
تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة
\/\/\/\/\/\/\/\
تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
ـ إيه ؟
ـ فريش دي تبقى شتيمة ؟
\/\/\/\/\/\/\/\
تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف
\/\/\/\/\/\/\/\
تتجوزيني ؟
ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل
\/\/\/\/\/\/\/\
تتجوزيني ؟
ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع
\/\/\/\/\/\/\/\
( بعد سنوات)
ـ تتجوزيني ؟
ـ جبت الشقة ؟
ـ أيوة .. الحكومة بتبني شقق للشباب وأنا خدت شقة ..صحيح إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك
\/\/\/\/\/\/\/\
تتجوزيني ؟
ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا ال2
ـ وأنا مالي ؟
ـ مش عاجبك .. مش مشكلة .. أكتبه باسمك
\/\/\/\/\/\/\/\
(بعد سنين)
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك (بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين
خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟
\/\/\/\/\/\/\/\
تتجوزيني ؟
ـ بصراحة .. في حاجة كنت عاوزة أقولهالك من زمااااااان
ـ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
بلاش تراجيديا من فضلك -
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟
\/\/\/\/\/\/\/\
( بعد سنوات )
ـ تتجوشيني ؟
ـ إيه ؟
ـ تتجوشييينيييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟
ـ لا دي نظارتي أنا
ـ أيوة لقيتها
ـ البشيها بقة
ـ ططييبب
ـ عينيكي فوق شوية .. ده بقك
ـ طيب لبشهالي إنت
ـ عقبال ما البشك الدبلة
ـ ما تكشفنيش .. كنت بتقول إيه بقى؟
ـ كنت بقول تتجوشششيييينيييييي؟
ـ أكوشك؟ .. إزاي؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟
ـ دي شتيمة ؟
ـ لاااااء .. بقولك تتجوشيني؟
ـ آه !! .. أجوشك
ـ بالضاااابط .. هاه؟
ـ شيبني أفكر
ـ أشيبك تفكري ؟! .. ده انت هتموتي خلاش
ـ لا .. شيبني أفكر بش
ـ ربنا يوفقك
ـ إيه؟
ـ ربنا يوفقك
ـ بتقول إيه؟
ـ ربنا ياخدك
\/\/\/\/\/\/\/\
(على فراش الموت)
ـ تـ … كوح .. كوح .. تتـ .. كوح كاح كيح .. تتكو .. كوح .. كوح
تتكوشـ .. كوح كوح .. يني؟
ـ مش شامعة
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح
تتجوشيـ ..؟ كوح .. كوح
ـ أجوش مين؟
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ ش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!! .. شلامتك .. ما قلتليش ليه؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو
شيـ .. كوح كوح كوح كوح .. نـي؟
ـ أجوشك ؟!! .. طب بش خد الدوا الأول
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح -
كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع
ـ يا حاج .. يا حاج
لااااااااا
"قالي الوداع . قولتلة قشطة
T.T[ندعوك للتسجيل في المنتدى أو التعريف بنفسك لمعاينة هذه الصورة] T.T[ندعوك للتسجيل في المنتدى أو التعريف بنفسك لمعاينة هذه الصورة] T.T | |
|
| | |
الرحال سندباد
...::| عضو محترف |::...
 آڵمُشـَآرڪٍآت : 5362
عدد النقـــاط : 8418
سمعة العضو : 95
تاريخ التسجيل : 27/01/2009
| | موضوع: رد: ღ تتجوزيني ღ الخميس أبريل 09, 2009 8:01 pm | |
| ههههههههههههههههههههههههههه
مشكور يا حمزه
تسلم ايدك
| |
|
| | |
دودى دووووو
...::| عضو محترف |::...
 آڵمُشـَآرڪٍآت : 1561
عدد النقـــاط : 6963
سمعة العضو : 21
تاريخ التسجيل : 13/01/2009
| | موضوع: رد: ღ تتجوزيني ღ الخميس أبريل 09, 2009 8:45 pm | |
| ههههههههههههههههههههههههههههههههههههههههههههههههه
يالهوى اية المسخرة دى
وكل حاجة دى شتيمة دى شتيمة كل الكلام عنده شتيمة
وهى معوجة اوى كدة لية مش كتره العرسان
دة ربنا رحمة لما مات
:arrow:
| |
|
| | |
بحر الدموع
إدآرة ـآلمنتدى
آڵمُشـَآرڪٍآت : 6805
عدد النقـــاط : 12906
سمعة العضو : 21
تاريخ التسجيل : 27/01/2009
| | موضوع: رد: ღ تتجوزيني ღ الخميس أبريل 09, 2009 11:43 pm | |
| شكرا لمروركم الجميل
:oops: | |
|
| | |
شمس اسكندرية
...::| عضو محترف |::...
آڵمُشـَآرڪٍآت : 5589
عدد النقـــاط : 9488
سمعة العضو : 21
تاريخ التسجيل : 12/01/2009
| | موضوع: رد: ღ تتجوزيني ღ الجمعة أبريل 10, 2009 6:44 pm | |
| | |
|
| | |
الامير اشرف
...::| عضو نشيط |::...
آڵمُشـَآرڪٍآت : 83
عدد النقـــاط : 5682
سمعة العضو : 0
تاريخ التسجيل : 26/02/2009
| | موضوع: رد: ღ تتجوزيني ღ الجمعة أبريل 10, 2009 7:49 pm | |
| | |
|
| | |
ahmad
...::| عضو مشاركـ |::...
 آڵمُشـَآرڪٍآت : 801
عدد النقـــاط : 6372
سمعة العضو : 0
تاريخ التسجيل : 18/10/2008
| | موضوع: رد: ღ تتجوزيني ღ الجمعة يوليو 31, 2009 6:35 am | |
| | |
|
| | |
بحر الدموع
إدآرة ـآلمنتدى
آڵمُشـَآرڪٍآت : 6805
عدد النقـــاط : 12906
سمعة العضو : 21
تاريخ التسجيل : 27/01/2009
| | موضوع: رد: ღ تتجوزيني ღ الجمعة أغسطس 07, 2009 4:28 pm | |
| | |
|
| | |
ابو العز حمود
...::| عضو ذهبي |::...
 آڵمُشـَآرڪٍآت : 641
عدد النقـــاط : 6489
سمعة العضو : 0
تاريخ التسجيل : 29/09/2008
| | موضوع: رد: ღ تتجوزيني ღ الإثنين أغسطس 10, 2009 10:22 am | |
| | |
|
| | |
بحر الدموع
إدآرة ـآلمنتدى
آڵمُشـَآرڪٍآت : 6805
عدد النقـــاط : 12906
سمعة العضو : 21
تاريخ التسجيل : 27/01/2009
| | موضوع: رد: ღ تتجوزيني ღ الثلاثاء أغسطس 11, 2009 10:21 pm | |
| | |
|
| | |
aldama_alhazena
...::| عضو ماسي |::...
 آڵمُشـَآرڪٍآت : 463
عدد النقـــاط : 5864
سمعة العضو : 4
تاريخ التسجيل : 18/08/2009
| | موضوع: رد: ღ تتجوزيني ღ الخميس أغسطس 20, 2009 2:53 am | |
| | |
|
| | |
ابتسام
...::| عضو نشيط |::...
آڵمُشـَآرڪٍآت : 80
عدد النقـــاط : 5496
سمعة العضو : 1
تاريخ التسجيل : 10/08/2009
| | موضوع: رد: ღ تتجوزيني ღ الخميس أغسطس 20, 2009 3:44 pm | |
| هههههههههه القصة روعة تسلم ايدك | |
|
| | |
| | ღ تتجوزيني ღ | |
|
الأحداث
